ଭୁବନେଶ୍ବର:ଯେଉଁଠୁ କୋରୋନାର ଉତ୍ପତି ହୋଇଥିଲା ସେଠାରୁ ଆଜି ଆସି ପହଞ୍ଚିଛି ଅକ୍ସିଜେନ ସିଲିଣ୍ଡର । ଦେଶର ବିଭିନ୍ନ ସ୍ଥାନରେ ଅକ୍ସିଜେନ ଅଭାବରୁ ବହୁ ରୋଗୀଙ୍କ ପ୍ରାଣହାନୀ ଘଟିବା ପରେ ସହାୟତାର ହାତ ବଢାଇଥିଲେ ବହୁ ବିଦେଶୀ ରାଷ୍ଟ୍ର । ବର୍ତ୍ତମାନ ଏହି ସାହାଯ୍ୟ ତାଲିକାରେ ଯୋଡି ହୋଇଛି ଚୀନ୍ ।
ଦେଶରେ ପ୍ରଥମ: ଭୁବନେଶ୍ବରକୁ ପ୍ରାଣବାୟୁ ପଠାଇଲା ଚୀନ
ଚୀନରୁ ଆସିଥିବା ଅକ୍ସିଜେନ ସିଲିଣ୍ଡର ଆଜି(ରବିବାର) ଭୁବନେଶ୍ବରରେ ପହଞ୍ଚିଛି । ଏନେଇ ଟ୍ୱିଟ କରି ସୂଚନା ଦେଇଛନ୍ତି ପଶ୍ଚିମ ଓଡ଼ିଶା ବିକାଶ ପରିଷଦ ଅଧ୍ୟକ୍ଷ ଅସୀତ କୁମାର ତ୍ରିପାଠୀ । ଅକ୍ସିଜେନ ଅଭାବରୁ ଯେପରି କୌଣସି ବ୍ୟକ୍ତିଙ୍କ ସମସ୍ୟା ନହୁଏ ସେଥିପ୍ରତି ଦୃଷ୍ଟି ଦେବାକୁ ନିର୍ଦ୍ଦେଶ ଦେଇଛନ୍ତି ମୁଖ୍ୟମନ୍ତ୍ରୀ ।
ଭୁବନେଶ୍ବରରୁ ବିକାଶ ଦାସ, ଇଟିଭି ଭାରତ
