ଭୁବନେଶ୍ବର: ଆଜିଠୁ ଆରମ୍ଭ ଓପିଏସ୍ସି(OPSC) ପରୀକ୍ଷା । କୋଭିଡ କଟକଣା ଭିତରେ ହେବ ଓଡିଶା ଲୋକସେବା ଆୟୋଗ ପରୀକ୍ଷା । ସକାଳ 9ଟାରୁ ପରୀକ୍ଷା ଆରମ୍ଭ ହେବ । କୋଭିଡ଼ କଟକଣା ଭିତରେ ସିଭିଲ ସର୍ଭିସ ପରୀକ୍ଷା ଦେବେ ପରୀକ୍ଷାର୍ଥୀ । ଚଳିତ ଥର ପ୍ରାୟ ୪ ହଜାର ୭୫୪ ଜଣ ପରୀକ୍ଷାର୍ଥୀ ପରୀକ୍ଷା ଦେବେ । ଆସନ୍ତା 23 ତାରିଖ ଦିନ ଆସିଷ୍ଟାଣ୍ଟ ସର୍ଜନ ପଦବୀ ନିମନ୍ତେ ପରୀକ୍ଷା ଅନୁଷ୍ଠିତ ହେଉଛି ।
ସକାଳ 9ଟାରୁ ପରୀକ୍ଷା ଆରମ୍ଭ ହେବ । ଦୁଇଟି ପର୍ଯ୍ୟାୟରେ ପରୀକ୍ଷା କରାଯିବ । 9 ଟାରୁ 12ଟା ପର୍ଯ୍ୟନ୍ତ ଏବଂ 2ଟାରୁ 5 ଟା ପର୍ଯ୍ୟନ୍ତ ପରୀକ୍ଷା ହେବ । ମଝିରେ ଏକ ଘଣ୍ଟା ସମସ୍ତ ରୁମକୁ ସାନିଟାଇଜ କରାଯିବ ବୋଲି ସୂଚନା ମିଳିଛି । କୋଭିଡକୁ ଦୃଷ୍ଟିରେ ରଖି ସବୁ ପରୀକ୍ଷାର୍ଥୀଙ୍କୁ ଏନ୍-୯୫ ମାସ୍କ ପିନ୍ଧିବାକୁ କୁହାଯାଇଛି । ମାସ୍କ ପିନ୍ଧି ନଥିବା ପରୀକ୍ଷାର୍ଥୀଙ୍କୁ ପରୀକ୍ଷା କେନ୍ଦ୍ରରେ ପ୍ରବେଶ କରିବାକୁ ଅନୁମତି ଦିଆଯିବ ନାହିଁ । କେବଳ ପରୀକ୍ଷା ପରିଚାଳନା ଅଧିକାରୀମାନେ ତଦାରଖ କରିବା ସମୟରେ ପରୀକ୍ଷାର୍ଥୀମାନେ ମାସ୍କ ଖୋଲିବେ ।