ଭୁବନେଶ୍ବର: ଦେଶରେ କୋରୋନା ଭାଇରସର ପ୍ରକୋପକୁ ଦୃଷ୍ଟିରେ ରଖି ଓଡିଶା ବିଧାନସଭା ବନ୍ଦ ହେବାକୁ ନେଇ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କୁ ଟାର୍ଗେଟ କରିଛନ୍ତି ବିରୋଧୀ ଦଳ ନେତା ପ୍ରଦୀପ୍ତ ନାୟକ । କୋରୋନା ଭୟ ନୁହେଁ ବରଂ ବାସ୍ତବରେ ୟେସ ବ୍ୟାଙ୍କରେ ଜଗନ୍ନାଥଙ୍କ ଟଙ୍କାକୁ ନେଇ ବିରୋଧୀଙ୍କ ସମାଲୋଚନାରୁ ବଞ୍ଚିବାକୁ ମୁଖ୍ୟମନ୍ତ୍ରୀ ଜାଣିଶୁଣି ବିଧାନସଭା ବନ୍ଦ କରିବାକୁ ନିର୍ଦ୍ଦେଶ ଦେଇଛନ୍ତି ବୋଲି କହିଛନ୍ତି ପ୍ରଦୀପ୍ତ ।
ବିରୋଧୀ ଦଳ ନେତା ପ୍ରଦୀପ୍ତ ନାୟକ କହିଛନ୍ତି ଯେ ଓଡିଶାର ମୁଖ୍ୟମନ୍ତ୍ରୀ ବିଧାନସଭାକୁ ଏଥିପାଇଁ ବନ୍ଦ କଲେ, କାରଣ ମହାପ୍ରଭୁଙ୍କ 592 କୋଟି ଟଙ୍କା ୟେସ ବ୍ୟାଙ୍କରେ ରହିଛି । ଏ ବାବଦରେ ସଫେଇ ଦେବାକୁ ପଡିବ ବୋଲି ବିଧାନସଭା ବନ୍ଦ କରାଯାଇଛି । ୟେସ ବ୍ୟାଙ୍କରେ ଟଙ୍କା ଅନିୟମିତତା ଘଟଣାକୁ ଚାପି ଦେବାକୁ ଏହା ଏକ ଯୋଜନାବଦ୍ଧ ଷଡଯନ୍ତ୍ର । ଆଲୋଚନା ହେଲେ ବିଜେଡିର ଚରିତ୍ର ପଦାରେ ପଡିବାର ଭୟ ଥିବାରୁ ଗୃହ ବନ୍ଦ ହୋଇଛି । ପୂ୍ର୍ବରୁ ବି ଏମିତି ଅନେକ ଥର କେତେବେଳେ ସାପ ବାହାରୁ ଛି କହି ତ ଆଉ କେତେବେଳେ ମାଲକାନଗିରିରେ କଲେକ୍ଟରଙ୍କୁ ଅପହରଣ କରି ଗୃହ ବନ୍ଦ ହୋଇଛି । ଆଉ ବର୍ତ୍ତମାନ କୋରୋନାର ଭୟ ଭାବନାରେ ନବୀନ ବାବୁ ଯେପରି ଗୃହ ବନ୍ଦ କରାଇଛନ୍ତି ଏହାର ଏକମାତ୍ର ଉଦ୍ଦେଶ୍ୟ ବିଜେଡିର ଚରିତ୍ର ପଦାକୁ ନଆସୁ ।