ଭୁବନେଶ୍ବର: ପରିବେଶ ସୁରକ୍ଷା ଚିନ୍ତା ସମସ୍ତଙ୍କୁ ଘାରିଛି । ଏବେ ଏଥିରୁ ବାଦ ପଡି ନାହାନ୍ତି ଛାତ୍ରଛାତ୍ରୀ । ପରିବେଶ ସୁରକ୍ଷା ଆଇନକୁ ବିଶ୍ଵସ୍ତରରେ କଡାକଡି କରିବା ଦାବିରେ ରାଜରାସ୍ତାରେ ଚାଲିଲେ ଶହ ଶହ ଛାତ୍ରଛାତ୍ରୀ । ଏନେଇ ରାଜ୍ୟ ତଥା ରାଜ୍ୟ ବାହାରୁ ଛାତ୍ରଛାତ୍ରୀ ଏକତ୍ରୀତ ହୋଇ ରାମ ମନ୍ଦିର ଠାରୁ ମାଷ୍ଟର କ୍ୟାଣ୍ଟିନ ପର୍ଯ୍ୟନ୍ତ ରାଲି କରିଥିବା ଦେଖିବାକୁ ମିଳିଛି।
ଧୀରେ ଧୀରେ ପରିବେଶ ନଷ୍ଟ ହେବା ସହ ଗ୍ଲୋବାଲ ୱାରମିଂ(ବିଶ୍ୱ ତାପନ) ବଢ଼ିବାରେ ଲାଗିଛି । ଯାହାଫଳରେ ଅନେକ ଅସୁବିଧାର ସମ୍ମୁଖୀନ ହେବାକୁ ପଡୁଛି । ରାଜଧାନୀର ଉନ୍ମତ୍ତ ଫାଉଣ୍ଡେସନ ସହ ବିଭିନ୍ନ ସ୍ବେଚ୍ଛାସେବୀ ସଙ୍ଗଠନ ମଧ୍ୟ ଏହି କାର୍ଯ୍ୟକ୍ରମରେ ଯୋଗ ଦେଇଥିଲେ ।
ପରିବେଶ ସୁରକ୍ଷାକୁ କଡାକଡି କରିବା ଦାବିରେ ଛାତ୍ରଛାତ୍ରୀଙ୍କ ଶୋଭାଯାତ୍ରା