ଭୁବନେଶ୍ବର: ନୂଆଦିଲ୍ଲୀରେ ପହଞ୍ଚିଛନ୍ତି ଓଡିଶା ବିଧାନସଭାର ସର୍ବଦଳୀୟ ସଦସ୍ୟ । ବାଚସ୍ପତିଙ୍କ ନେତୃତ୍ୱରେ ଯାଇଛନ୍ତି ବିଜେଡି ଓ କଂଗ୍ରେସର ବିଧାୟକ । ବିଜେପି ବିଧାୟକ ସନ୍ଧ୍ୟାରେ ବାହାରି ରାତିରେ ପହଞ୍ଚିବେ । ଆସନ୍ତାକାଲି ସାକ୍ଷାତ ସହ ରାଷ୍ଟ୍ରପତିଙ୍କୁ ମହାପ୍ରସାଦ, ଜଗନ୍ନାଥଙ୍କ ଫଟୋ ଚିତ୍ର ଓ ଓଡିଆ କଳାକୃତିର ଉପହାର ପ୍ରଦାନ କରାଯିବ ।
ରାଷ୍ଟ୍ରପତିଙ୍କ ପାଇଁ ମହାପ୍ରସାଦ, ଜଗନ୍ନାଥଙ୍କ ଫୋଟୋ ଚିତ୍ର ସହ ଓଡିଆ କଳାକୃତି ଉପହାର
ଦିଲ୍ଲୀ ଗସ୍ତରେ ଯାଇଛନ୍ତି ଓଡିଶା ବିଧାନସଭାର ବିଧାୟକଗଣ । ବାଚସ୍ପତିଙ୍କ ଅଧ୍ୟକ୍ଷତାରେ ରାଷ୍ଟ୍ରପତିଙ୍କୁ ଭେଟିବା ପାଇଁ ଯାଇଛନ୍ତି ବିଧାୟକ ଟିମ । ପ୍ରଥମ ପର୍ଯ୍ୟାୟରେ ବିଜେଡି ଓ କଂଗ୍ରେସ ବିଧାୟକ ଯାଇ ଦିଲ୍ଲୀରେ ପହଞ୍ଚିଛନ୍ତି । 2ୟ ପର୍ଯ୍ୟାୟରେ ଅର୍ଥାତ ଆଜି ସନ୍ଧ୍ୟାରେ ବିଜେପି ବିଧାୟକ ଦିଲ୍ଲୀ ଗସ୍ତରେ ଯିବେ । ବାଚସ୍ପତିଙ୍କୁ ମିଶାଇ 24 ବିଧାୟକ ରାଷ୍ଟ୍ରପତିଙ୍କୁ ସୌଜନ୍ୟମୂଳକ ସାକ୍ଷାତ କରିବେ । ଏହା ଛଡା ଓଡିଶା ବିଧାନସଭାର କିଛି ଅଧିକାରୀ ମଧ୍ୟ ରାଷ୍ଟ୍ରପତିଙ୍କୁ ସାକ୍ଷାତ କରିବେ ।