ଭୁବନେଶ୍ବର: ରାଜ୍ୟରେ କୋଭିଡ ସ୍ଥିତି ନେଇ ଜନସସ୍ବାସ୍ଥ୍ୟ ନିର୍ଦ୍ଦେଶକ ନିରଞ୍ଜନ ମିଶ୍ରଙ୍କ ପ୍ରତିକ୍ରିୟା । ବର୍ତ୍ତମାନ ରାଜ୍ୟ ସଂକ୍ରମଣର ପିକ ଅତିକ୍ରମ କରି ସାରିଛି, ସ୍ଥିତି ତଳମୁହାଁ ହେଉଛି । ରାଜ୍ୟରେ ବ୍ଲାକ ଫଙ୍ଗସ ରୋଗୀ ଏତେ ନାହାଁନ୍ତି । ମୋଟ ୪୧ ଜଣଙ୍କ ରିପୋର୍ଟ ଆସିଥିବାବେଳେ ସେମାନେ ଏବେ ଚିକିତ୍ସାଧୀନ ଅଛନ୍ତି । ଆଗକୁ ହୁଏତ ସଂଖ୍ୟାରେ ପରିବର୍ତ୍ତନ ଆସିବ, ସେ ନେଇ ମଧ୍ୟ ରାଜ୍ୟ ସରକାର ପ୍ରସ୍ତୁତ ଅଛନ୍ତି । ସବୁ ଜିଲ୍ଲା ହସ୍ପିଟାଲ ସମେତ କୋଭିଡ ହସ୍ପିଟାଲରେ କୋଭିଡ ଓ ଅଣ କୋଭିଡ ରୋଗୀଙ୍କ ପାଇଁ ସ୍ବତନ୍ତ୍ର ୱାର୍ଡ କରାଯିବ ବୋଲି କହିଛନ୍ତି ଜନସ୍ବାସ୍ଥ୍ୟ ନିର୍ଦ୍ଦେଶକ ।
ସେହିପରି ସେ ଆହୁରି ମଧ୍ୟ କହିଛନ୍ତି, ବର୍ତ୍ତମାନ ଦେଶରେ ସଂକ୍ରମଣ ଖସୁଛି । ଅନ୍ୟ ରାଜ୍ୟରେ ଯେତେବେଳେ ଅଧିକ ଥିଲା ଆମର ଅଧିକ ନଥିଲା। ଆମ ରାଜ୍ୟରେ ବିଳମ୍ବରେ ସଂକ୍ରମଣ ବଢିଥିବାରୁ ତାହା ଏବେ ଖସୁଛି। ଅନ୍ୟ ରାଜ୍ୟ ଅପେକ୍ଷା ମୃତ୍ୟୁ ସଂଖ୍ୟା ମଧ୍ୟ ରାଜ୍ୟରେ ସବୁଠୁ କମ । ମେ’ ମାସରେ ଅଧିକ ଗୁରୁତର ରୋଗୀ ଥିବାରୁ ଅଧିକ ମୃତ୍ୟୁ ହେଉଛି । ସମ୍ପୂର୍ଣ୍ଣ ତଥ୍ୟ ଦେଖିଲେ ଆମର ସଂଖ୍ୟା ବହୁତ କାମ, ଯାହା ଏକ ଆଶ୍ବସ୍ତିକର ସୂଚନା। ବର୍ତ୍ତମାନ ଗୁତୁରର ରୋଗୀଙ୍କ ସଂଖ୍ୟା କମୁଥିବା ଯୋଗୁ ଡାକ୍ତରଖାନାରେ ବେଡ଼ ମଧ୍ୟ ଖାଲି ହେଉଛି।