ଭୁବନେଶ୍ବର: ପୁଣି ଥରେ ବିଜେପୁରବାସୀଙ୍କୁ ଖୁସି ଖବର ଭେଟି ଦେଇଛନ୍ତି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ । ବରଗଡ଼ ଜିଲ୍ଲାରେ ତିନୋଟି ନୂତନ ଆରଆଇ ସର୍କଲ- ତଳପାଲି, ଗୁଡେରପାଲି ଏବଂ ଡଙ୍ଗବାହାଲ ଗଠନ ନେଇ ରାଜ୍ୟ ସରକାରଙ୍କ ରାଜସ୍ବ ବିଭାଗ ସୋମବାର ଘୋଷଣା କରାଯାଇଛି ।
ଫଟୋ ସୌଜନ୍ୟ: ଟ୍ୱିଟର@CMO_Odisha ଏହାସହ ନବଗଠିତ ଆରଆଇ ସର୍କଲର ମୁଖ୍ୟାଳୟ ନିଜ ନିଜ ସ୍ଥାନରେ ରହିବ । ପୂର୍ବରୁ ଏଗୁଡିକ ଗାଇସିଲଟ୍ ସର୍କଲ ଅଧୀନରେ ରହିଥିଲା । ସେହିଭଳି ଗାଇସିଲଟ ଆରଆଇ ସର୍କଲର ମୁଖ୍ୟାଳୟ ଗାଇସିଲଟରେ ରଖାଯାଇଛି ।
ଏଠାରେ ସୂଚନା ଯୋଗ୍ୟ ଯେ ବିଜେପୁର ପାଇଁ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ସ୍ବତନ୍ତ୍ର ପ୍ୟାକେଜ ଘୋଷଣା କରିଥିଲେ । ଏହି ପ୍ୟାକେଜରେ ଗାଇସିଲଟ ତହସିଲ ଅଧୀନରେ 3ଟି ନୂଆ ଆରଆଇ ସର୍କଲ କରାଯିବ ବୋଲି ଘୋଷଣା କରିଥିଲେ । ଏବେ ମୁଖ୍ୟମନ୍ତ୍ରୀ ନିଜ ପ୍ରତିଶ୍ରୁତି ରକ୍ଷା କରିଛନ୍ତି । ପୁଣି ଥରେ ବିଜେପୁର ଉପନିର୍ବାଚନ ହେବାକୁ ଯାଉଛି । ଏଭଳି ସମୟରେ ଏହି ଘୋଷଣା ନବୀନଙ୍କ ଏକ ନିର୍ବାଚନୀ ଥୋପ ବୋଲି କୁହାଯାଉଛି ।
ବ୍ୟୁରୋ ରିପୋର୍ଟ, ଇଟିଭି ଭାରତ
