ଭୁବନେଶ୍ବର: ଜୁଲାଇ ୨୧ରେ ED ଅଫିସ ଘେରାଉ କରିବ ପ୍ରଦେଶ କଂଗ୍ରେସ । AICC ଅନ୍ତରୀଣ ଅଧ୍ୟକ୍ଷା ସୋନିଆ ଗାନ୍ଧୀଙ୍କୁ ED ସମନକୁ କଡ଼ା ନିନ୍ଦା କରିଛି କଂଗ୍ରେସ । ଏହାକୁ ନେଇ ଜୁଲାଇ ୨୧ରେ ପ୍ରଦେଶ କଂଗ୍ରେସ କାର୍ଯ୍ୟାଳୟରୁ ବାହାରି ED ଅଫିସ ଯାଏ ପଦଯାତ୍ରା କରିବା ସହ ଆନ୍ଦୋଳନ କରିବ କଂଗ୍ରେସ ।
୨୧ରେ ହାଜର ହେବେ ସୋନିଆ, ED ଅଫିସ ଘେରାଉ କରିବ ପ୍ରଦେଶ କଂଗ୍ରେସ
ଗୁରୁବାର ED ଅଫିସ ଘେରାଉ କରିବେ କଂଗ୍ରେସ କର୍ମୀ । ଏହାପରେ ଜୁଲାଇ ୨୨ ତାରିଖରେ ରାଜ୍ୟର ଜିଲ୍ଲା କଂଗ୍ରେସ ମୁଖ୍ୟାଳୟରେ ଆନ୍ଦୋଳନ କରିବେ କଂଗ୍ରେସ କର୍ମୀ । ଏହାକୁ ନେଇ ଏକ ସାମ୍ବାଦିକ ସମ୍ମିଳନୀରେ ସୂଚନା ଦେଇଛନ୍ତି PCC ସଭାପତି । ଏହା ସହିତ ରାଜ୍ୟରେ ବିଜେପି ଏବଂ ବିଜେଡି ଭାଇ ଭାଇ ବୋଲି କହିଛନ୍ତି ଶରତ ପଟ୍ଟନାୟକ । ରାଜ୍ୟରେ GSTକୁ ବିଜେଡି ସମର୍ଥନ କରୁଛି । ମୁଡ଼ି, ଚୁଡ଼ା ଉପରେ GSTକୁ ନେଇ ବିଜେଡି ଚୁପ ରହିଥିବା କଂଗ୍ରେସ ଅଭିଯୋଗ କରିଛି ।