ଭୁବନେଶ୍ବର: ଆସନ୍ତା 15 ତାରିଖରେ ବାମପନ୍ଥୀଦଳ ତରଫରୁ 'ଓଡ଼ିଶା ବନ୍ଦ' ଡାକରା ଦିଆଯାଇଛି । ଏହାକୁ ରାଜ୍ୟ କଂଗ୍ରେସ ପୂର୍ଣ୍ଣ ସମର୍ଥନ କରିବ ବେଲି ଆଜି ସୂଚନା ଦେଇଛନ୍ତି ପିସିସି ସଭାପତି ନିରଞ୍ଜନ ପଟ୍ଟନାୟକ । କୋରୋନା ଯୋଗୁଁ ସାଧାରଣ ଲୋକଙ୍କ ଜୀବନ ଜୀବିକା ଅସ୍ତବ୍ୟସ୍ତ ହୋଇ ପଡିଛି । ଏହି ସମୟରେ ପେଟ୍ରୋଲ ଓ ଡିଜେଲ ଉପରେ ଟିକସ ବୃଦ୍ଧି ଯୋଗୁଁ ତୈଳ ଦର ଲିଟର ପିଛା ୧୦୦ ଟଙ୍କାରୁ ଅଧିକ ହେଲାଣି । ତେବେ କେନ୍ଦ୍ର ଓ ରାଜ୍ୟ ସରକାରଙ୍କର ଏହି ଜନମାରଣ ନୀତିକୁ ବିରୋଧ କରି ସିପିଆଇ, ସିପିଆଇଏମ, ସିପିଆଇଏମ୍ଏଲ ଲିବରେସନ, ଫରୱାର୍ଡ଼ ବ୍ଲକ ପ୍ରମୁଖ ୪ଟି ବାମ ଦଳ ଆସନ୍ତା ଜୁଲାଇ ୧୫ ତାରିଖ ଗୁରୁବାର ସକାଳ ୬ଟାରୁ ମଧ୍ୟାହ୍ନ ୧୨ପର୍ଯ୍ୟନ୍ତ ୬ଘଣ୍ଟିଆ 'ଓଡ଼ିଶା ବନ୍ଦ'ର ଡାକରା ଦେଇଛି ।
ଜୁଲାଇ 15ରେ ବାମଦଳର 'ଓଡ଼ିଶା ବନ୍ଦ' ଡାକରା:ସମର୍ଥନ କରିବ କଂଗ୍ରେସ