ଭୁବନେଶ୍ବର: କୋରୋନା ସମୟରେ ସାରା ରାଜ୍ୟରେ ନକଲି ଔଷଧ କାରବାର ବୃଦ୍ଧି ପାଉଥିବା ନଜର ଆସିଛି । ଯାହାର ତଦନ୍ତ ଏବେ କରିବ କ୍ରାଇମ ବ୍ରାଞ୍ଚ । ଏନେଇ ନିର୍ଦ୍ଦେଶ ଦେଇଛନ୍ତି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ । ଏପଟେ ନକଲି ଔଷଧ ପ୍ରସଙ୍ଗରେ ପୋଲିସ ଡିଜିଙ୍କ ସୂଚନା ।
ନକଲି ଔଷଧ ନେଇ ଗଠନ ସ୍ବତନ୍ତ୍ର ଟିମ, ଜାରି ରହିଛି ତଦନ୍ତ: ପୋଲିସ ଡିଜି
କ୍ରାଇମ ବ୍ରାଞ୍ଚ STFର ଏକ ସ୍ବତନ୍ତ୍ର ଟିମ୍ ଗଠନ କରାଯାଇଛି । ଡ୍ରଗ୍ସ କଣ୍ଟ୍ରୋଲରଙ୍କ ସହ ବିଚାର ବିମର୍ଷ କରାଯାଇ ପରବର୍ତ୍ତୀ ପଦକ୍ଷେପ ଗ୍ରହଣ କରାଯିବ । ଖୁବଶୀଘ୍ର ତଦନ୍ତ ଆରମ୍ଭ ହେବ ବୋଲି କହିଛନ୍ତି ପୋଲିସ ଡିଜି ଅଭୟ। ସେପଟେ ସରକାର ଏନେଇ ପଦକ୍ଷେପ ନେଉଛନ୍ତି ଏବଂ ଏସଟିଏଫ ସହ ଡ୍ରଗ୍ସ କଣ୍ଟ୍ରୋଲ ଟିମ ଆଲୋଚନା କରିଛନ୍ତି ବୋଲି କହିଛନ୍ତି ଡ୍ରଗ୍ସ କଣ୍ଟ୍ରୋଲ ଡାଇରେକ୍ଟର।