ଭୁବନେଶ୍ବର: ‘ମୋ ବସ’ରେ ଆରମ୍ଭ ହେଲା 'ନ୍ୟୁଜ ପେପର ଅନ ହ୍ବିଲ' । ଏଣିକି ମୋ ବସରେ ମାଗଣାରେ ମିଳିବ ଖବରକାଗଜ । ପରୀକ୍ଷାମୂଳକ ଭାବେ ଏହା କେବଳ ଏସି ବସ ଗୁଡିକରେ ମିଳିବ । ଏହି ମାଗଣା ସେବା ଯୋଗାଇଛି ମୋ ବସ । ଏଥିରେ ଜଣେ ଯାତ୍ରୀ ଖବରକାଗଜ ପଢି ରଖିବା ସହ ଅନ୍ୟ ଯାତ୍ରୀ ମଧ୍ୟ ଏହାର ସୁଯୋଗ ନେଇପାରିବେ। ଏବେ କେବଳ ଇଂରାଜୀ ଖବରକାଗଜ ଉପଲବ୍ଧ ହେବ ।
ଭିଡିଓ ସୌଜନ୍ୟ: ସମ୍ବାଦଦାତା, ଭୁବନେଶ୍ବର
ଏହି ସେବା ବର୍ତ୍ତମାନ ପରୀକ୍ଷାମୂଳକ ଭାବରେ କାର୍ଯ୍ୟ କରିବ। ଯଦି ଯାତ୍ରୀ ଏହାକୁ ପସନ୍ଦ କରିବେ ତେବେ ଭବିଷ୍ୟତରେ ପଢିବା ପାଇଁ ବହି ଓ ମାଗାଜିନ ଦିଆଯିବ। କେବଳ ବସରେ ନୁହେଁ ବସଷ୍ଟାଣ୍ଡରେ ମଧ୍ୟ ଏହା ଉପଲବ୍ଧ ହେବ। ଏହାସହ ଏହି ମାସରେ ଓଡିଆ ଖବରକାଗଜ ମଧ୍ୟ ଉପଲବ୍ଧ କରାଯିବ।