ଭୁବନେଶ୍ବର: ଆସନ୍ତା ଜୁଲାଇ 29ରେ ଓଡିଶା ଆସିବେ ନେପାଳର ପୂର୍ବତନ ପ୍ରଧାନମନ୍ତ୍ରୀ । ଶନିବାର ନେପାଳର ପୂର୍ବତନ ପ୍ରଧାନମନ୍ତ୍ରୀ ଲୋକେନ୍ଦ୍ର ବାହାଦୂର ଚାନ୍ଦ ତିନିଦିନିଆ ଓଡିଶା ଗସ୍ତ ଆସିବା ନେଇ ଓଡିଶା ଇଣ୍ଟରନ୍ୟାସନାଲ ସେଣ୍ଟର ପକ୍ଷରୁ ଆୟୋଜିତ ଏକ ସାମ୍ବାଦିକ ସମ୍ମିଳନୀରେ ସୂଚନା ଦିଆଯାଇଛି ।
ଭିଡିଓ ସୌଜନ୍ୟ: ପ୍ରତିନିଧି, ଭୁବନେଶ୍ବର
ଆସନ୍ତା 29 ତାରିଖ ଅପରାହ୍ନ 11ଟା ସମୟରେ ଶ୍ରୀ ଚାନ୍ଦଙ୍କ ସମେତ ତାଙ୍କ ପୁତ୍ର ଓ 7ଜଣିଆ ସଦସ୍ୟ ଏହି ଗସ୍ତରେ ଭୁବନେଶ୍ବର ବିମାନବନ୍ଦରରେ ପହଞ୍ଚିବେ । ସେଠାରୁ ତାଙ୍କୁ ସ୍ବାଗତ କରାଯିବା ପରେ ସେମାନଙ୍କୁ ଭୁବନେଶ୍ୱର ଥିବା ମେଫେୟାର ହୋଟେଲରେ ଅବସ୍ଥାନ କରିବେ ବୋଲି ସୂଚନା ଦିଆଯାଇଛି । ଏହାପରେ ସେ ତାଙ୍କ ଗୁରୁ ସନ୍ଥ ସ୍ବାମୀ ଦିବ୍ୟାନନ୍ଦ ଗିରି ମହାରାଜଙ୍କୁ ଅପରାହ୍ନରେ ଭେଟିବା ପାଇଁ ଯିବେ । ତା ପରଦିନ ସକାଳୁ ଅର୍ଥାତ 30 ତାରିଖ ଦିନ ଭୁବନେଶ୍ବର ଉପକଣ୍ଠରେ ଥିବା ହୀରାପୁରସ୍ଥିତ ଚୌଷଠି ଯୋଗିନୀ ମନ୍ଦିରରେ ଦର୍ଶନ କରିବା ସହିତ ସେଠାରେ ପୂଜାପାଠ କଟିବେ ବୋଲି ସୂଚନା ମିଳିଛି ।