ଭୁବନେଶ୍ୱର: ଚଳିତ ନିର୍ବାଚନ ଲାଗି ପ୍ରଥମ ପର୍ଯ୍ୟାୟ ନାମାଙ୍କନ ଦାଖଲ ପ୍ରକ୍ରିୟା ଆରମ୍ଭ ହୋଇଗଲାଣି । ଇତିମଧ୍ୟରେ ଅଳ୍ପେ ବହୁତେ ପ୍ରାୟ ସମସ୍ତ ଦଳ କିଛି କିଛି ପ୍ରାର୍ଥୀଙ୍କ ନାଁ ଘୋଷଣା କରିସାରିଲେଣି । ତେବେ ଚଳିତ ଥର ମଧ୍ୟ ରାଜ୍ୟରେ ପ୍ରାର୍ଥୀ ଦେବାକୁ ଯାଉଛି ରାଷ୍ଟ୍ରବାଦୀ କଂଗ୍ରେସ ପାର୍ଟି(ଏନସିପି)।
ଦଳୀୟ ସୂତ୍ରରୁ ମିଳିଥିବା ଖବର ମୁତାବକ କନ୍ଧମାଳ ଲୋକସଭା ସମେତ ଏହା ଅଧିନସ୍ଥ ୭ଟି ବିଧାନସଭା କ୍ଷେତ୍ରରେ ପ୍ରାର୍ଥୀ ଦେବ ଏନସିପି । ଶନିବାର ଏକ ସାମ୍ବାଦିକ ସମ୍ମିଳନୀରେ ଏନେଇ ସୂଚନା ଦେଇଛନ୍ତି ଏନସିପି ରାଜ୍ୟ ସଭାପତି ଏସ ମକ୍ସୁଦ ଅଲ୍ଲୀ । ତେବେ ନାବାର୍ଡର ପୂର୍ବତନ ଅଧିକାରୀ ଅଭିରାମ ପଟ୍ଟନାୟକଙ୍କୁ କନ୍ଧମାଳରେ ଲୋକସଭା ପ୍ରାର୍ଥୀ କରିବା ନେଇ ଦଳ ପକ୍ଷରୁ ଘୋଷଣା କରିଛନ୍ତି ରାଜ୍ୟ ସଭାପତି ।