ଭୁବନେଶ୍ବର: ବିଧାୟକ ବିଷ୍ଣୁଚରଣ ଦାସଙ୍କ ବିୟୋଗରେ ମୁଖ୍ୟମନ୍ତ୍ରୀଙ୍କ ଗଭୀର ଶୋକ ପ୍ରକାଶ । ତାଙ୍କ ଅମର ଆତ୍ମାର ସଦଗତି କାମନା ସହ ପରିବାରକୁ ସମବେଦନା ଜଣାଇଛନ୍ତି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ । ବିଷ୍ଣୁଙ୍କୁ ଲୋକପ୍ରିୟ ରାଜନେତା, ଦକ୍ଷ ସଂଗଠକ ଓ ପ୍ରଶାସକ କହିବା ସହ ଦଳିତ ଓ ଅବହେଳିତଙ୍କ କଲ୍ୟାଣ ପାଇଁ ସେ ଉତ୍ସର୍ଗୀକୃତ ଥିଲେ ବୋଲି ଟ୍ବିଟ ଯୋଗେ ପ୍ରକାଶ କରିଛନ୍ତି ମୁଖ୍ୟମନ୍ତ୍ରୀ ।
ବିଷ୍ଣୁଚରଣ ଦାସ ବର୍ତ୍ତମାନ ତିର୍ତ୍ତୋଲ ନିର୍ବାଚନ ମଣ୍ଡଳୀର ବିଧାୟକ ରହିଥିଲେ । ବିଷ୍ଣୁଚରଣ 6ଥର ବିଧାୟକ ରହିବା ସହ ରାଜ୍ୟ ଯୋଜନା ବୋର୍ଡର ଉପାଧ୍ୟକ୍ଷ ମଧ୍ୟ ଥିଲେ । ସେହିପରି ୧୯୯୦ରୁ ୨୦୧୪ ଯାଏଁ ଜଗତସିଂହପୁର ବିଧାୟକ ଥିଲେ । ଚଳିତ ନିର୍ବାଚନରେ ତିର୍ତ୍ତୋଲ ନିର୍ବାଚନ ମଣ୍ଡଳୀରୁ ବିଧାୟକ ଭାବେ ନିର୍ବାଚିତ ହୋଇଥିଲେ ବିଷ୍ଣୁ ।