ଭୁବନେଶ୍ୱର: ଏମଏସଏମଇ ବାଣିଜ୍ୟମେଳା-୨୦୨୧ ଚଳିତବର୍ଷ ଭୁବନେଶ୍ୱର ପ୍ରଦର୍ଶନୀ ପଡ଼ିଆରେ ୫ ଦିନ ଧରି ଚାଲିବ । ଏଥିସହ ରାଜଧାନୀରେ ମଧ୍ୟ ପ୍ରତିବର୍ଷ ‘ଉଦ୍ୟୋଗୀ ସପ୍ତାହ” ପାଳନ କରାଯାଇଥାଏ । ଆସନ୍ତାକାଲି(ଶୁକ୍ରବାର) ସଂନ୍ଧ୍ୟାରେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଏହି ବାଣିଜ୍ୟ ମେଳାର ଶୁଭ ଉଦଘାଟନ କରିବେ । କୋଭିଡ଼-୧୯ କୁ ଦୃଷ୍ଟିରେ ରଖି ସରକାରଙ୍କ ପକ୍ଷରୁ ଦିଆଯାଇଥିବା ପ୍ରତ୍ୟେକ ଗାଇଡଲାଇନକୁ ପାଳନ କରି ଏବର୍ଷ ଏମଏସଏମଇ ବାଣିଜ୍ୟ ମେଳା ଅନୁଷ୍ଠିତ ହେବ ।
ଦେଶର ବହୁ ରାଜ୍ୟ ତଥା ଇରାନ ଓ ବାଂଲାଦେଶ ଭଳି ଦେଶ ଏଥିରେ ଅଂଶଗ୍ରହଣ କରିଥାନ୍ତି । ବିଭିନ୍ନ ବାଣିଜ୍ୟ, ଉତ୍ପାଦ, ଜ୍ଞାନ କୌଶଳର ପ୍ରଦର୍ଶନ ଏବଂ କ୍ରେତା ବିକ୍ରେତାଙ୍କୁ ଗୋଟିଏ ମଞ୍ଚରେ ଏକାଠି କରିବା ପାଇଁ ରାଜ୍ୟ ସରକାରଙ୍କ ପକ୍ଷରୁ ଏହି ବାଣିଜ୍ୟ ମେଳାର ପରିକଳ୍ପନା କରାଯାଇଛି । ଶିଳ୍ପଦ୍ୟୋଗୀଙ୍କ ପାଇଁ ବିଭିନ୍ନ ଯାନ୍ତ୍ରିକ ଜ୍ଞାନକୌଶଳର ପ୍ରତ୍ୟକ୍ଷ ପ୍ରଦର୍ଶନ କରି ନିଜର ଉତ୍ପାଦଗୁଡ଼ିକୁ ବଜାର ପ୍ରବେଶ ପାଇଁ ଏହା ଏକ ଉକୃଷ୍ଠ ସୁଯୋଗ । ବିଭିନ୍ନ ବିଷୟ ଉପରେ ଆୟୋଜିତ ହେବାକୁ ଥିବା କାର୍ଯ୍ୟଶାଳାରୁ ଶିଳ୍ପଦ୍ୟୋଗୀମାନେ ଜ୍ଞାନ ଆହରଣ କରିବାର ସୁଯୋଗ ପାଇପାରିବେ ।
ଭୁବନେଶ୍ୱରରୁ ଦେବସ୍ମିତା ରାଉତ, ଇଟିଭି ଭାରତ