ରାଜଧାନୀରେ ଲୁଟେରାଙ୍କ ରାଜ୍: ଆଖି ପିଛୁଳାକେ ଝାମ୍ପି ନେଉଛନ୍ତି ମୋବାଇଲ୍

ରାଜଧାନୀରେ ଦିନକୁ ଦିନ ଲୁଟେରାଙ୍କ ଆତଙ୍କ ବଢିଚାଲିଛି । ଆଖି ପିଛୁଳାକେ ରାସ୍ତାରେ ଯାଉଥିବା ଲୋକଙ୍କୁଠୁ ଲୁଟିନେଉଛନ୍ତି ମୋବାଇଲ। ଅଧିକ ପଢନ୍ତୁ...

ଭୁବନେଶ୍ବର: ରାଜଧାନୀରେ ଦିନକୁ ଦିନ ଲୁଟେରାଙ୍କ ଆତଙ୍କ ବଢିଚାଲିଛି । ଆଖି ପିଛୁଳାକେ ରାସ୍ତାରେ ଯାଉଥିବା ଲୋକଙ୍କୁଠୁ ଲୁଟି ନେଉଛନ୍ତି ମୋବାଇଲ । ଏଭଳି ତିନି ଲୁଟେରାଙ୍କୁ କାବୁ କରିଛି ଖଣ୍ଡଗିରି ପୋଲିସ ।

ଲୁଟେରାଙ୍କଠାରୁ ଏକ ଲାପଟପ ସହ 7ଟି ଦାମୀ ମୋବାଇଲ ମଧ୍ୟ ଜବତ କରାଯାଇଛି । ପୋଲିସ ସେମାନଙ୍କୁ ଗିରଫ କରି ଫୋନ ଓ ଲାପଟପକୁ ନିଜ ଅକ୍ତିଆରକୁ ଆଣିଥିବାବେଳେ ସେମାନଙ୍କୁ କୋର୍ଟ ଚାଲାଣ କରାଯାଇଛି । ତେବେ ଏହି ଲୁଟେରାମାନେ ବାଣୀବିହାରରୁ ଖୋର୍ଦ୍ଧା ପର୍ଯ୍ୟନ୍ତ ଜାତୀୟ ରାଜପଥରେ ଯାଉଥିବା ଲୋକଙ୍କୁ ଟାର୍ଗେଟ କରୁଛନ୍ତି ଆଉ ଫୋନରେ କଥା ହେଉଥିବା ସମୟରେ ଝାମ୍ପି ନେଉଛନ୍ତି।

ଭୁବନେଶ୍ବରରୁ ଦେବସ୍ମିତା ରାଉତ, ଇଟିଭି ଭାରତ