ଭୁବନେଶ୍ବର: ଆସନ୍ତା 21 ରେ ଲୋକାର୍ପଣ ହେବ ‘ମୋ କଲେଜ’। ରାଜ୍ୟରେ ‘ମୋ ସ୍କୁଲ’ କାର୍ଯ୍ୟକ୍ରମକୁ ସଫଳତା ମିଳିବା ପରେ ଏବେ ‘ମୋ କଲେଜ’ କାର୍ଯ୍ୟକ୍ରମକୁ ଆପଣାଇଛନ୍ତି ରାଜ୍ୟ ସରକାର। ଆସନ୍ତା 21 ରେ ‘ମୋ କଲେଜ' ଅଭିଯାନକୁ ଲୋକାର୍ପଣ କରାଯିବାର କାର୍ଯ୍ୟକ୍ରମ ରହିଛି ।
ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ‘ମୋ କଲେଜ’ ଅଭିଯାନ ଲୋକାର୍ପଣ କରିବେ । ଏହି କାର୍ଯ୍ୟକ୍ରମରେ ‘ମୋ କଲେଜ’ ଅଭିଯାନର ଉଦ୍ଦେଶ୍ୟ, ଲକ୍ଷ୍ୟ ସମ୍ପର୍କରେ ଆଲୋଚନା କରାଯିବ। ଲୋକସେବା ଭବନ ଠାରେ ଏହି କାର୍ଯ୍ୟକ୍ରମର ଲୋକାର୍ପଣ କରାଯିବ। ଏ ନେଇ ଉଚ୍ଚଶିକ୍ଷା ମନ୍ତ୍ରୀ ଅରୁଣ କୁମାର ସାହୁଙ୍କ ଅଧ୍ୟକ୍ଷତାରେ ଅନଲାଇନ ଅନୁଷ୍ଠିତ ବୈଠକରେ ସମସ୍ତ ବିଶ୍ୱବିଦ୍ୟାଳୟ କୁଳପତି ଓ କଲେଜ ଅଧ୍ୟକ୍ଷ ଭାଗ ନେଇଥିଲେ ।