ଭୁବନେଶ୍ବର: ପଶ୍ଚିମ ଓଡିଶା ବିକାଶ ପରିଷଦ ପାଇଁ ପାଣ୍ଠି ବୃଦ୍ଧି କରିବାକୁ ମୁଖ୍ୟମନ୍ତ୍ରୀଙ୍କୁ ବିଜେପି ବିଧାୟକ ଦଳ ଚିଠି ଲେଖିବା ପ୍ରସଙ୍ଗରେ ଆଜି ପୁଣି ଥରେ ଦାବି କରିଛନ୍ତି ବରିଷ୍ଠ ବିଧାୟକ ଜୟ ନାରାୟଣ ମିଶ୍ର । ବିଧାୟକ ଜୟ ନାରାୟଣ ମିଶ୍ର କହିଛନ୍ତି ଯେଉଁ ପାଣ୍ଠି ସରକାର ଦେଉଛନ୍ତି ତାକୁ ପ୍ରିୟାପ୍ରୀତି ପୋଷଣ କରି ତାଙ୍କ ଦଳୀୟ ପାଣ୍ଠି କରିଦେଉଛନ୍ତି । ଏହା ଏକ ବଡ ସମସ୍ୟା । 37 ଟି ବିଧାନସଭା କ୍ଷେତ୍ରକୁ ଯେଉଁ ପାଣ୍ଠି ମିଳୁଛି ତାହା ସମୁଦ୍ର ଶଙ୍ଖେ । ତେଣୁ ପାଣ୍ଠି ବୃଦ୍ଧି ହେବା ଦରକାର ।
WODC FUND: ବିଧାୟକଙ୍କ ପାଣ୍ଠି ବୃଦ୍ଧି ସହ ବାର୍ଷିକ ବଜେଟ ବୃଦ୍ଧି ପାଇଁ ଦାବି
ଜୟ କହିଛନ୍ତି ବିଧାନସଭା କ୍ଷେତ୍ର ହିସାବରେ ଅନୁଦାନ ସ୍ଥିର ହେବା ଆବଶ୍ୟକ । ଏହା ନହେବା ଦ୍ବାରା ଶାସକ ଦଳ ସେମାନଙ୍କ ପାଣ୍ଠି ଭାବି ବ୍ୟବହାର କରୁଛନ୍ତି । ଯେଉଁ ଲକ୍ଷ୍ୟ ନେଇ ପଶ୍ଚିମ ଓଡିଶା ବିକାଶ ପରିଷଦ ଗଠନ ହୋଇଥିଲା ଯେ ଅତିରିକ୍ତ ଅର୍ଥ ମିଳିବ ଏବଂ ଅଧିକ ବିକାଶ ହେବ, ସେହି ଲକ୍ଷ୍ୟ ସାଧିତ ହୋଇପାରୁନାହିଁ । ଅନେକ ସମସ୍ୟା ହେଉଛି ।