ଭୁବନେଶ୍ବର: ରାଜଧାନୀରେ ହତ୍ୟା । ମଞ୍ଚେଶ୍ବର ଥାନା ମୁଣ୍ଡାସାହି ବିଏମସିର ଟ୍ରିଟମେଣ୍ଟ ପ୍ଲାଣ୍ଟ ନିକଟରେ ଘଟିଛି ଵିଭତ୍ସ ହତ୍ୟାକାଣ୍ଡ । ମୃତ ଯୁବକ ଜଣଙ୍କ ହେଉଛନ୍ତି ମୁକେଶ ଚୌଧୁରୀ ଏବଂ ତାଙ୍କ ବୟସ ୩୦ ବର୍ଷ ହେବା ନେଇ ସୂଚନା । ଖବର ପାଇ ସାଇଣ୍ଟିଫିକ ଟିମ ଘଟଣାସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଛି ।
ରାଜଧାନୀରେ ଫିଲ୍ମ ଷ୍ଟାଇଲରେ ମର୍ଡର, ହତ୍ୟାପରେ କବର ଦେଲେ ଦୁବୃର୍ତ୍ତ
ସୂଚନାନୁଯାୟୀ, ବଲିଉଡ ଫିଲ୍ମ ଦୃଶ୍ୟମ ପରି ମୁକେଶଙ୍କୁ ହତ୍ୟା କରିଛନ୍ତି ଦୁବୃର୍ତ୍ତ । ହତ୍ୟା ପରେ ସିମେଣ୍ଟ ଇଟାରେ କବର ଦେଇଥିଲେ ହତ୍ୟାକାରୀ । ମୁକେଶ ଚୋରି ମାମଲାରେ ଜେଲ ଯାଇ ଫେରିଥିବା ବେଳେ ଚୋରି ଭାଗବଣ୍ଟାକୁ ନେଇ ହତ୍ୟାକାଣ୍ଡ ହୋଇଥିବା ସଦେହ କରୁଛି ପୋଲିସ । ଏନେଇ ମୁକେଶ ଜେଲରେ କାହା ସହ ମିଶିଥିଲା କିଭଳି ଏଠାରେ ଆସି ବସାଉଠା କରୁଥିଲା ସେ ନେଇ ଅଧିକ ଛାନଭିନ କରୁଛି ସାଇଣ୍ଟିଫିକ ଟିମ ।