ଭୁବନେଶ୍ବର: କ୍ୟାପିଟାଲ ହସ୍ପିଟାଲରେ ରୋଗୀଙ୍କ ସୁରକ୍ଷାକୁ ନେଇ ପ୍ରଶ୍ନ ଉଠିଛି। ଦିନ ଦିପହରରେ ହସ୍ପିଟାଲକୁ ଆସୁଥିବା ରୋଗୀଙ୍କୁ ଟାର୍ଗେଟ କରୁଛନ୍ତି ଦୁର୍ବୃତ୍ତ। 15 ମିନିଟ ମଧ୍ୟରେ ଅଟୋରୁ ଚକା ଖୋଲି ନେଇଗଲେ ଦୁର୍ବୃତ୍ତ । ଆସିଥିଲେ ହସ୍ପିଟାଲକୁ ରୋଗୀ ଦେଖାଇବାପାଇଁ ମାତ୍ର ରୋଗୀ ଦେଖାଇବାର 15 ମିନିଟ ମଧ୍ୟରେ ଅଟୋରୁ ନେଇଗଲେ ଚକ।
ରୋଗୀ ନେଇ ହସ୍ପିଟାଲ ଯାଇଥିଲେ ଅଟୋ ଚାଳକ, ଆସିଲା ବେଳକୁ ଚୋରି ହୋଇଯାଇଛି ଆଗ ଚକ
ଅପରାହ୍ନ ସମୟରେ ଜଣେ ଯୁବକ ଘରୋଇ କଲହକୁ ନେଇ ବିଷ ପିଇଥିବା ବେଳେ ଉକ୍ତ ଯୁବକକୁ କ୍ୟାପିଟାଲ ହସ୍ପିଟାଲକୁ ଆଣିଥିଲେ। ପରିବାର ଲୋକଙ୍କ ସହ ଅଟୋ ଚାଳକ ଯୁବକକୁ ନେଇ ହସ୍ପିଟାଲ ଭିତରକୁ ଯାଇଥିଲେ। ହେଲେ 15 ମିନିଟ ମଧ୍ୟରେ ହସ୍ପିଟାଲରୁ ଅଟୋ ପାଖକୁ ଆସିବା ବେଳେ ଦେଖିଥିଲେ ଅଟୋର ଆଗ ଚକ ନାହିଁ। ଏହି ଘଟଣାକୁ ନେଇ ହସ୍ପିଟାଲର ଅନେକ ସ୍ଥାନରେ ଖୋଜାଖୋଜି କରିଥିଲେ ପରେ ହସ୍ପିଟାଲରେ ଥିବା ଫାଣ୍ଡିରେ ଅଭିଯୋଗ କରିଥିଲେ।