ଭୁୂବେନଶ୍ବର: କୋରୋନା କଟକଣା ଏବଂ ଲୋକଙ୍କ ଯାତାୟାତ କମ ଥିବାରୁ ରାଜ୍ୟରେ ଘୋରାଇ ବସ ଚଳାଚଳ ଅସ୍ବଭାବିକ ରହିଥିଲା । ମାତ୍ର ଏବେ ଅନଲକ-4ରେ ରାଜ୍ୟ ସରକାର ଲକଡାଉନ ଓ ସଟଡାଉନ୍ କଟକଣା ଉଠାଇ ଦେଇଛନ୍ତି । ତେବେ ରାଜ୍ୟରେ ଘରୋଇ ବସ ଚଳାଚଳ ନେଇ ପ୍ରତିକ୍ରିୟା ରଖିଛନ୍ତି ପରିବହନ ମନ୍ତ୍ରୀ ପଦ୍ମନାଭ ବେହେରା ।
ବସ ଚଳାଚଳ ସ୍ବାଭାବିକ ନେଇ ଆଶାବାଦୀ ପରିବହନ ମନ୍ତ୍ରୀ
ଏଣିକି ରାଜ୍ୟରେ ବସ ଚଳାଚଳ ସ୍ୱାଭାବିକ ହେବା ନେଇ ଆଶା କରାଯାଉଛି ବୋଲି ମନ୍ତ୍ରୀ କହିଛନ୍ତି । ଉଭୟ ଘରୋଇ ଓ ସରକାରୀ ବସ ଚଳାଚଳ ସ୍ୱାଭାବିକ ହେବ । କଟକଣା କୋହଳ ହୋଇଥିବାରୁ ବସ ଚଳାଚଳରେ ଆଉ ଅସୁବିଧା ନାହିଁ । ବସ ଚଳାଇବା ସମୟରେ କୋଭିଡ ନିୟମ ମାନିବାକୁ ବାଧ୍ୟତା ମୂଳକ ବୋଲି ମନ୍ତ୍ରୀ ସୂଚନା ଦେଇଛନ୍ତି । ଉଭୟ ଯାତ୍ରୀ ଓ ବସ କର୍ମଚାରୀ ମାସ୍କ ପିନ୍ଧିବା ବାଧ୍ୟତାମୂଳକ । କ୍ଷମତାଠୁ ଅଧିକ ଯାତ୍ରୀ ନେଇ ପାରିବେ ନାହିଁ ବୋଲି ପରିବହନ ମନ୍ତ୍ରୀ କହିଛନ୍ତି ।