ଭୁବନେଶ୍ୱର: ଓଡ଼ିଶାର କ୍ଷୁଦ୍ର ଓ ମଧ୍ୟମ ଧରଣର ଶିଳ୍ପମାନଙ୍କର କାର୍ଯ୍ୟଦକ୍ଷତା ବୃଦ୍ଧି କରିବା ପାଇଁ ଆଗକୁ ଆସିଛି ବିଶ୍ବର ପ୍ରମୁଖ କମ୍ପ୍ୟୁଟର ଅପରେଟିଂ ସିଷ୍ଟମ ମାଇକ୍ରୋସଫ୍ଟ । ଏଥିପାଇଁ ମାଇକ୍ରୋସଫ୍ଟ ପକ୍ଷରୁ କ୍ୟାମ୍ପେନ ଆରମ୍ଭ ହୋଇଛି। ଏହାର ମୁଖ୍ୟ ଲକ୍ଷ୍ୟ ହେଉଛି "ମେକ ଦ ସିଫ୍ଟ "ମାଧ୍ୟମରେ ବର୍ଷ ବର୍ଷ ଧରି ବ୍ୟବହୃତ ହେଉଥିବା ପୁରୁଣା କମ୍ପ୍ୟୁଟର ସିଷ୍ଟମ ୱିଣ୍ଡୋଜ 7 ରୁ ୱିଣ୍ଡୋଜ 10 ଅପରେଟିଂ ସିଷ୍ଟମକୁ ପରିବର୍ତ୍ତିତ କରିବା।
ଭିଡିଓ ସୌଜନ୍ୟ: ପ୍ରତିନିଧି, ଭୁବନେଶ୍ବର
ଯାହା ମାଧ୍ୟମରେ କ୍ଷୁଦ୍ର ଓ ମଧ୍ୟମ ଧରଣର ଶିଳ୍ପ ଗୁଡିକ ପୁରୁଣା ପିସିର ରକ୍ଷଣାବେକ୍ଷଣ ଖର୍ଚ୍ଚରୁ ରକ୍ଷା ପାଇପାରିବେ । ଏଥିସହ ଡାଟା ନିରାପତ୍ତା ବୃଦ୍ଧି, ବ୍ୟକ୍ତିଗତ କମ୍ପ୍ୟୁଟର ଉତ୍ପାଦତା ବୃଦ୍ଧି ସହ ସୁବିଧାରେ କମ୍ପ୍ୟୁଟରୀକରଣ ବ୍ୟବସ୍ଥାକୁ ଅପଡେଟ କରି ପାରିବେ ବୋଲି ମାଇକ୍ରୋସଫ୍ଟର କଣ୍ଟ୍ରି ଜେନେରାଲ ମ୍ୟାନେଜର ପ୍ରିୟଦର୍ଶୀ ମହାପାତ୍ର କହିଛନ୍ତି ।