ଭୁବନେଶ୍ବର: କଳିଙ୍ଗ ସେନା ପକ୍ଷରୁ ରାଜ୍ୟ ସରକାରଙ୍କ ଦ୍ବାରା କୋଭିଡ-19 ପାଇଁ ଔଷଧ କିଣାରେ ଅନିୟମିତତା ଅଭିଯୋଗ କରାଯାଇଛି। ଏଥିରେ ବଡ଼ ଧରଣର ଦୁର୍ନୀତି ହୋଥିବା ଅଭିଯୋଗ କରାଯିବା ସହ ଏହାର ସିବିଆଇ ତଦନ୍ତ କରିବାକୁ ସେନା ପକ୍ଷରୁ ଦାବି କରାଯାଇଛି।
ଏନେଇ ସଙ୍ଘ କାର୍ଯ୍ୟାଳୟରେ ଆୟୋଜିତ ସାମ୍ବାଦିକ ସମ୍ମିଳନୀରେ ସେନା ସାଧାରଣ ସମ୍ପାଦକ ସାସ୍ବତୀ ରଞ୍ଜନ ସାହୁ କହିଛନ୍ତି କି, କୋରୋନା ମୁକାବିଲା ପାଇଁ ସରକାର ରାଜ୍ୟ ଔଷଧ ନିଗମ ଜରିଆରେ ମାସ୍କ, ପିପିଇ କିଟ ଓ ଭେଣ୍ଟିଲେଟର ଆଦି କିଣିବାକୁ ଦାୟିତ୍ୱ ଦେଇଥିଲେ।
ନିକଟରେ ଏହି ସବୁ ସାମଗ୍ରୀ ବିଭିନ୍ନ ରାଜ୍ୟରୁ 29ଟି ଟ୍ରକରେ ଆସିବା ପରେ ସରକାର ସେସବୁକୁ ଗ୍ରହଣ ନକରିବା ପରେ ଏହି ସନ୍ଦେହ ଦୃଢ଼ୀଭୂତ ହୋଇଛି । ରାଜ୍ୟ ସରକାରଙ୍କ ପକ୍ଷରୁ ନିଜ ପାଖରେ ଆବଶ୍ୟକ ସାମଗ୍ରୀ ମହଜୁଦ ଥିବା କୁହାଯାଉ ଥିବାବେଳେ ପରେ ଚର୍ଚ୍ଚା ଜୋର ଧାରିବାରୁ ପୁଣି ତାହାକୁ ଗ୍ରହଣ କରିଥିଲେ।