ଭୁବନେଶ୍ବର: କିଏ ଗଢିବ ସରକାର ? ସମସ୍ତେ ଅନେଇ ବସିଛନ୍ତି ମେ 23ର ଫଳାଫଳକୁ । ରାଜ୍ୟରେ ଶେଷ ହୋଇଛି ମତଦାନ । ଅନ୍ୟପଟେ ସ୍ମାର୍ଟ ସିଟିରେ ମତଦାତାଙ୍କ ମତ ଇଭିଏମ ମେସିନରେ ସିଲ ବି ହୋଇସାରିଛି । ନେତା-ଜନତା ଯେପରି ଅପେକ୍ଷାରେ ଅଛନ୍ତି ସେହିପରି ଫୁଲ ବେପାରୀମାନେ ମଧ୍ୟ ଅନେଇ ବସିଛନ୍ତି ମେ 23କୁ । କାରଣ ଯେଉଁ ନେତା ବିଜୟୀ ହେବେ ତାଙ୍କ ବେକରେ ପକେଇବେ ଫୁଲମାଳ ।
ଭିଡିଓ ସୌଜନ୍ୟ: ପ୍ରତିନିଧି, ଭୁବନେଶ୍ବର
ବିଜୟୀ ନେତାଙ୍କ ପାଇଁ ଯେଉଁ ସବୁ ଫୁଲ ମାଳ ଯିବ ତାହା ସ୍ମାର୍ଟ ସିଟିର ଫୁଲ ବ୍ୟବସାୟୀଙ୍କଠାରୁ ଯିବ । ଯାହା ଫଳରେ ଏ ହୁତୁହୁତୁ ଖରାରେ ବେପାରୀଙ୍କୁ ଦୁଇ ପଇସା ଦେବ । ନିର୍ବାଚନ ପ୍ରଚାର ସମୟରେ ବେଶ ଦୁଇ ପାଇସା ଲାଭ କରିଥିଲେ ସ୍ମାର୍ଟ ସିଟିର ଏହି ଫୁଲ ବେପାରୀମାନେ । ଏହା ଛଡା ଡିଜିଟାଲରେ ଯେଉଁ ସବୁ ପ୍ରଚାର ହେଉଛି ତାହା ଫଳରେ ବି ଫୁଲ ବେପାର ଭଲ ହୁଏନି ବେଲି ବେପାରୀ ମତ ରଖୁଛନ୍ତି ।