ଭୁବନେଶ୍ବର:ଆଜି ପ୍ରକାଶ ପାଇବ ଚଳିତ ବର୍ଷର ମାଟ୍ରିକ ପରୀକ୍ଷା ଫଳ । ବିନା ପରୀକ୍ଷାରେ ପ୍ରଥମ ଥର ପାଇଁ ବାହାରିବାକୁ ଯାଉଛି ମାଟ୍ରିକ ଛାତ୍ରଛାତ୍ରୀଙ୍କ ରେଜଲ୍ଟ ଯାହା ପୂର୍ବରୁ କେବେ ହୋଇ ନଥିଲା । ଏହା ସହିତ ପ୍ରତିବର୍ଷ ପରୀକ୍ଷା ଫଳ ସକାଳ ସମୟରେ ବାହାରୁଥିବାବେଳେ ଏ ବର୍ଷ ପ୍ରଥମ ଥର ପାଇଁ ସଂନ୍ଧ୍ୟାରେ ବାହାରିବାକୁ ଯାଉଛି । ଯାହାକୁ ନେଇ ଅନେକ ପ୍ରଶ୍ନ ଉଠିଛି ।
ଏ ପ୍ରଶ୍ନର ଉତ୍ତରରେ ଶିକ୍ଷାବିତ ଅସିଲ ତିୱାରୀ କହିଛନ୍ତି ରାଜ୍ୟରେ ଟେକ୍ନୋଲୋଜି ବିକାଶ ହେଉଛି । ତେଣୁ ଦିନରେ ଦେଉ କି ରାତିରେ ପରୀକ୍ଷା ଫଳ ପ୍ରକାଶରେ କୌଣସି ସମସ୍ୟା ନାହିଁ । ଟେକ୍ନୋଲୋଜି ଆସିଯାଇଛି ଖୁବ କମ ସମୟରେ ପିଲାମାନେ ନିଜ ନିଜ ପରୀକ୍ଷା ଫଳ ପାଇପାରିବେ । କୋରୋନା ପାଇଁ ଦିନରେ ପରୀକ୍ଷା ଫଳ ପ୍ରକାଶ କରିବାର କିଛି ଆବଶ୍ୟକତା ନାହିଁ । ବର୍ତ୍ତମାନ ସମସ୍ତେ ଘରେ ଅଛନ୍ତି ତେଣୁ ପରୀକ୍ଷା ଫଳ ସଂନ୍ଧ୍ୟାରେ ବାହାରିବା ନେଇ କୌଣସି ଅସୁବିଧା ନାହିଁ ବୋଲି କହିଛନ୍ତି ଅସିଲ ତିୱାରୀ ।