ଭୁବନେଶ୍ବର: ରାଜଧାନୀରେ ଓ୍ବାନ ସାଇଡ଼ ଲଭଷ୍ଟୋରୀର ସାଇଡ଼ ଇଫେକ୍ଟ । ବିବାହିତ ଯୁବକ ନର୍ସଙ୍କ ପ୍ରେମରେ ପଡି ଟପିଲା ସୀମା । ନର୍ସ ଜଣକ କଥା ନ ହେବାରୁ ସେ କାମ କରୁଥିବା ମେଡିସିନ ଷ୍ଟୋରରେ ପଶି କରିଛି ଟଣାଓଟରା । ଏମିତି ଏକ ହଙ୍ଗାମା ମଞ୍ଚେଶ୍ବର ଥାନା ଅଞ୍ଚଳରେ ଦେଖିବାକୁ ମିଳିଛି ।
ବିବାହିତ ଯୁବକର ଏମିତି ପ୍ରେମ ନିଶା, ମେଡିସିନ ଷ୍ଟୋରରେ ନର୍ସଙ୍କୁ ଟଣାଓଟରା
ଥାନା ଅଞ୍ଚଳର ଡାଇଗ୍ନୋ ଫାର୍ମରେ କାମ କରୁଥିବା ଜଣେ ନର୍ସଙ୍କ ପ୍ରେମରେ ପଡି ଯୁବକ ଜଣକ ଏମିତି ହଙ୍ଗାମା ରଚିଛନ୍ତି । ଜବରଦସ୍ତ ଟଣାଓଟରା କରିବା ସହ ତୁ କେବଳ ମୋର କହି ସାଥିରେ ନେବାକୁ ଉଦ୍ୟମ କରିଥିଲେ । ଯାହାକୁ ନେଇ ଦୋକାନ ମାଲିକ ପୋଲିସକୁ ଡାକିବା ପରେ ମଧ୍ୟ ପୋଲିସ ଉପସ୍ଥିତିରେ ନର୍ସଙ୍କୁ ମାଡ଼ ମାରିଥିଲେ । ଯାହାକୁ ନେଇ ଓ୍ବାନସାଇଡ଼ ଲଭରର ତଥା ଯୁବକ ଜଣକ ନାଁରେ ଥାନାରେ ଏତଲା ଦେଇଛନ୍ତି ନର୍ସ । ବିବାହିତ ଯୁବକ ଜଣକ ଖୋର୍ଦ୍ଧାର ମାନସ ସାହୁ ବୋଲି ଜଣାପଡିଛି।