ଭୁବନେଶ୍ବର:ରାଜଧାନୀରେ ଶହୀଦ ଲକ୍ଷ୍ମଣ ଯୁବକ ସଂଘ ପକ୍ଷରୁ ରାଜ୍ୟସ୍ତରୀୟ ନେତାଜୀ ଜୟନ୍ତୀ ସମାରୋହ ଅନୁଷ୍ଠିତ ହୋଇଛି । ରାଜଧାନୀର କେଶରୀ ହୋଟେଲରେ ଏହି କାର୍ଯ୍ୟକ୍ରମ ଆୟୋଜିତ ହୋଇଛି । ସମାରୋହରେ ବିଭିନ୍ନ କ୍ଷେତ୍ରରେ ଉଲ୍ଲେଖନୀୟ ଅବଦାନ କରିଥିବା ବ୍ୟକ୍ତି ବିଶେଷଙ୍କୁ ରାଷ୍ଟ୍ରୀୟ ଗୌରବ ସମ୍ମାନ ୨୦୨୨ରେ ସମ୍ମାନିତ କରାଯାଇଛି । ସାମ୍ବାଦିକ, ସମାଜସେବୀ ଏହି କାର୍ଯ୍ୟକ୍ରମରେ ସମ୍ମାନିତ ହୋଇଛନ୍ତି ।
ରାଜ୍ୟସ୍ତରୀୟ ନେତାଜୀ ଜୟନ୍ତୀ ସମାରୋହ, ସମ୍ମାନିତ ହେଲେ ବିଶିଷ୍ଟ ବ୍ୟକ୍ତି
ମହାନ ସ୍ବାଧୀନତା ସଂଗ୍ରାମୀ, ଭାରତମାତାର ସୁଯୋଗ୍ୟ ସନ୍ତାନ ସୁଭାଷ ଚନ୍ଦ୍ର ବୋଷଙ୍କ ୧୨୫ତମ ଜନ୍ମଜୟନ୍ତୀ ଅବସରରେ ଶହୀଦ ଲକ୍ଷ୍ମଣ ଯୁବକ ସଂଘ ପକ୍ଷରୁ ଏହି କାର୍ଯ୍ୟକ୍ରମ ଆୟୋଜିତ ହୋଇଛି । ଆଗାମୀ ପିଢ଼ିକୁ ସୁଭାଷ ବୋଷଙ୍କ ବଳିଦାନ ବିଷୟରେ ଅବିହିତ କରିବା ସହ ତାଙ୍କ ସ୍ମୃତିକୁ ସାଉଁଟିବା ଏହି କାର୍ଯ୍ୟକ୍ରମର ମହତ ଉଦ୍ଦେଶ୍ୟ । ଏହା କହିଛନ୍ତି ଭାରତୀୟ ସାମ୍ବାଦିକ ସଂଘ ଓଡ଼ିଶା ଶାଖା ସଭାପତି ସୁଜ୍ଞାନ ଚୌଧୁରୀ ।