ଭୁବନେଶ୍ବର: ନୟାପଲ୍ଲୀ ଥାନା ଅନ୍ତର୍ଗତ ଅକ୍ଷୟ ମାଝୀ ପ୍ରଚୁର ନିଶା ସେବନ କରୁଥିଲେ । ଫଳରେ ପରିବାର ଲୋକେ ବୁଧବାର କଳିଙ୍ଗ ବିହାରରେ ଥିବା ଏକ କମ୍ୟୁନିଟି ଫାଉଣ୍ଡେସନ ଅଫ ଇଣ୍ଡିଆ ନାମକ ଏକ ନିଶା ନିବାରଣ କେନ୍ଦ୍ରରେ ଛାଡିଥିଲେ ।
ହତ୍ୟା ଅଭିଯୋଗରେ ଶବ ସହ ରାସ୍ତା ଅବରୋଧ କଲେ ପରିବାର
ସେଠାରେ ଦୁଇଦିନ ରହିବା ପରେ ଶୁକ୍ରବାର ତାଙ୍କୁ ଅଚେତ ଅବସ୍ଥାରେ ଦେଖିଥିଲେ ନିଶା ନିବାରଣ କେନ୍ଦ୍ରର କର୍ମଚାରୀ । ପାଖକୁ ଯାଇ ଦେଖିଲା ବେଳକୁ ତାଙ୍କ ଦେହରେ ଜୀବନ ନଥିଲା । ମୃତକଙ୍କ ହାତ ଗୋଡ ରେ ଚିହ୍ନ ଥିବା ବେଳେ ଛାତିରେ ମାଡ଼ ମରା ଯାଇଥିବା ଚିହ୍ନ ରହିଥିବା ଦେଖିବାକୁ ମିଳିଥିଲା । ଫଳରେ ମୃତକଙ୍କ ପରିବାର ଓ ସ୍ଥାନୀୟ ଲୋକେ ମୃତଦେହ ରଖି ରାସ୍ତା ଅବରୋଧ କରିଥିଲେ । ଏସପି ଓ ନୟାପଲ୍ଲୀ ଥାନା ଆଇଆଇସି ଆସି ସେମାନଙ୍କୁ ବୁଝାସୁଝା କରିବା ପରେ ରାସ୍ତା ଅବରୋଧ ହଟିଛି ।