ଭୁବନେଶ୍ବର:କୌଣସି ପେମେଣ୍ଟ ଆପ୍ଲିକେଶନ ବ୍ୟବହାର କୁରଥିଲେ ହୁସିଆର! ବ୍ୟାଙ୍କ ସହାୟତା ପାଇଁ ହେଲ୍ପଲାଇନରୁ କଲ କରୁଛି କହି ଆପଣଙ୍କ ଆକାଉଣ୍ଟ ଶୂନ କରି ଦେଇ ପାରନ୍ତି ସାଇବର ଠକ। ଅନଲାଇନରେ ଏବେ ସାଇବର ଠକମାନେ ମିଛ ହେଲ୍ପଲାଇନ ନମ୍ବର ଜରିଆରେ ଲୋକଙ୍କୁ ଲୁଟିବା ଆରମ୍ଭ କରିଛନ୍ତି। ଭୁବନେଶ୍ବରରେ ହେଲ୍ପଲାଇନ ନମ୍ବରକୁ କଲ କରି ଜଣେ ବ୍ୟକ୍ତି ଠକାମୀର ଶିକାର ହୋଇଛନ୍ତି।
ଟିଭି ରିଚାର୍ଜ କରୁ କରୁ ନେଇଗଲେ ୧ ଲକ୍ଷ ଟଙ୍କା
ଚନ୍ଦ୍ରଶେଖରପୁର ହାଉସିଂ ବୋର୍ଡ଼ କଲୋନିରେ ରହୁଥିବା ବୈରାଗୀ ଚରଣ ରାଉତ ପେଟିଏମରେ ୨୮୦ ଟଙ୍କାରେ ଟିଭି ରିଚାର୍ଜ କରିଥିଲେ। ଆକାଉଣ୍ଟରୁ ଟଙ୍କା କଟିଯାଇଥିବା ବେଳେ ଟିଭି ରିଚାର୍ଜ ହୋଇନଥିଲା। ଏହାକୁ ନେଇ ଅଭିଯୋଗ କରିବାକୁ ସେ ଅନଲାଇନରେ ହେଲ୍ପଲାଇନ ନମ୍ବର ଖୋଜିଥିଲେ। ଏକ ହେଲପଲାଇନ ନମ୍ବର ପାଇ ସେଥିରେ କଲ କରିଥିଲେ ବୈରାଗୀ । ତେବେ କଲ ଆରପଟରେ ଥିବା ସାଇବର ଠକମାନେ କୌଣସି ଉପାୟରେ ବାହାନା କରି ବ୍ୟାଙ୍କ ଆକାଉଣ୍ଟ ତଥ୍ୟ ମାଗିଥିଲେ।