ଭୁବନେଶ୍ବର: ସଂକ୍ରମଣର ଭୟାବହତାକୁ ଦୃଷ୍ଟିରେ ରଖି ରାଜ୍ୟରେ ପୁଣି ଲାଗୁ ହେଲା ଲକଡାଉନ । ଓଡିଶାରେ 14 ଦିନ ଲକଡାଉନ ଘୋଷଣା କରିଛନ୍ତି ରାଜ୍ୟ ସରକାର । ଲକଡାଉନ ସମୟରେ ଜରୁରୀ ସେବାକୁ କଟକଣାରୁ ବାଦ ଦିଆଯାଇଥିଲା ବେଳେ ଜନସାଧାରଣଙ୍କ ଯାତାୟତ ବନ୍ଦ ରହିବ । ଏନେଇ ଗାଇଡଲାଇନ ଜାରି ହୋଇଛି । ଜାଣନ୍ତୁ କଣ ଖୋଲା ରହିବ ଓ କଣ ବନ୍ଦ ?
ଲୋକଙ୍କୁ ଘରେ ମଧ୍ୟରେ ରଖିବା ହେଉଛି ଲକଡାଉନର ଲକ୍ଷ୍ୟ । ଏଣୁ ଅତ୍ୟାବଶ୍ୟକ ସେବାକୁ ବାଦ ଦେଇ ସବୁ ଗତିବିଧି ଉପରେ ପଡିବ ତାଲା ।
କଣ ଖୋଲା -
- ଘରରୁ ୫ଶହ ମିଟର ଭିତରେ ସକାଳ 6ଟାରୁ 12ଟା ଯାଏ ଗ୍ରୋସରୀ ଓ ପନିପରିବା କିଣିପାରିବେ
- ଟିକାକରଣ ଓ ଟେଷ୍ଟିଂ ଖୋଲା
- ନିର୍ବାଚନ ଜାରି ରହିବ
- କ୍ଷୀର, ମାଛ, ମାଂସ ଓ ଅଣ୍ଡା ଦୋକାନ ଖୋଲା ରହିବ
- ହସ୍ପିଟାଲ, ନର୍ସିଂହୋମ, ଟେଲି ମେଡିସିନ ସେବା ଜାରି ରହିବ
- ଗ୍ୟାରେଜ ଓ ଗାଡି ମରାମତି ଦୋକାନ ଖୋଲା ରହିବ
- ଅନଲାଇନ ଓ ହୋମ ଡେଲିଭରି ଜାରି ରହିବ
- ଖୋଲା ରହିବ ଔଷଧ ଦୋକାନ, ଏଟିଏମ ଓ ବ୍ୟାଙ୍କ
- ରାଜ୍ୟ ଭିତରେ ଓ ବାହାରେ ଅବାଧରେ ଚଳାଚଳ କରିବ ଆମ୍ବୁଲାନ୍ସ
- ରେଷ୍ଟୁରାଣ୍ଟ ଓ ଢାବା କେବଳ ଖାଦ୍ୟ ପାର୍ସଲ ଦେଇପାରିବେ ।
- ଫ୍ଲିପକାର୍ଟ, ଆମାଜନ, ଜୋମାଟୋ ଆଦିର ଡେଲିଭରି ବୟଙ୍କୁ ଅନୁମତି ।
- ଗଣମାଧ୍ୟମକୁ ଅନୁମତି
- ପେଟ୍ରୋଲ ପମ୍ପ, ରନ୍ଧନ ଗ୍ୟାସ୍ ଯୋଗାଣକୁ ଅନୁମତି
- ଟ୍ରେନିଂ, ପୋଲିଂ ସେଣ୍ଟର ଯିବାକୁ ଅଧିକାରୀଙ୍କୁ ମିଳିବ ଅନୁମତି
କଣ ବନ୍ଦ
- ବଜାର,ହାଟ ବନ୍ଦ,ବସ ଚଳାଚଳ ବନ୍ଦ ରହିବ
- ଶିକ୍ଷାନୁଷ୍ଠାନ, କୋଚିଂ ସେଣ୍ଟର ବନ୍ଦ
- ଟ୍ୟାକ୍ସି, ଅଟୋ, ସାଇକେଲ, ରିକ୍ସା ଚଳାଚଳ ସମ୍ପୁର୍ଣ୍ଣ ବନ୍ଦ
- ସିନେମା ହଲ, ମଲ, ମାର୍କେଟ କମ୍ପ୍ଲେସ, ଜିମ ବନ୍ଦ ରହିବ
- ସାମାଜିକ, ଧାର୍ମିକ, କ୍ରୀଡ଼ା, ରାଜନୈତିକ ସମାବେଶ ବନ୍ଦ
- ଯାତ୍ରା, ଅପେରା, ଖୋଲାମଞ୍ଚ ବନ୍ଦ
- ସେଲୁନ, ପାର୍ଲର, ସ୍ପା ସେଣ୍ଟର ବନ୍ଦ
- ବିବାହ ଆୟୋଜନ ପାଇଁ ଲୋଡା ଅନୁମତି
- ବିବାହରେ 50 ଓ ଶୁଦ୍ଧି କ୍ରିୟାରେ 20 ଜଣଙ୍କୁ ଅନୁମତି
- ସାପ୍ତାହିକ ଏବଂ ଦୈନିକ ହାଟ ବନ୍ଦ
- ଧାର୍ମିକ ଅନୁଷ୍ଠାନରେ ଜନସମାଗମ ବନ୍ଦ
ମେ ମାସ 5 ବୁଧବାର ସକାଳୁ 19 ତାରିଖ ସକାଳ ଯାଏଁ ଲକଡାଉନ ଜାରି ରହିବ ।
