ଭୁବନେଶ୍ବର: ଲକଡାଉନରେ ଏବେ ରାଜ୍ୟବାସୀ । ଶୂନଶାନ ରାଜଧାନୀର ରାଜପଥ । ଖାଁ ଖାଁ ସହରର ଗଳିକନ୍ଦି । ରାସ୍ତାରେ ଗଡୁନି ଗାଡି କି ଯାତାୟତ କରୁନି ଭାରିଯାନ । ତେବେ ଲକଡାଉନ ସମୟରେ ଯାନବାହାନ ଚଳାଚଳ ଉପରେ ରୋକ ଲାଗିଥିବାରୁ କମିଛି ସଡକ ଦୁର୍ଘଟଣା । ଆଉ କମିଛି ଦୁର୍ଘଟଣା ଜନିତ ମୃତ୍ୟୁ ହାର ।
ରୋଡ ଆକ୍ସିଡେଣ୍ଟ ଉପରେ ଲକଡାଉନ ଇଫେକ୍ଟ
ରେକର୍ଡ କହୁଛି, ବିଗତ ଦିନରେ ମାସକୁ ପ୍ରାୟ ୯ ଶହ ଦୁର୍ଘଟଣା ଓ ୪୫୦ ଦୁର୍ଘଟଣା ଜନିତ ମୃତ୍ୟୁ ଘଟୁଥିଲା । ମାତ୍ର ପ୍ରଥମ ପର୍ଯ୍ୟାୟ ଲକଡାଉନ ଅବଧିରେ ସାରା ରାଜ୍ୟରେ ମାତ୍ର 4ଟି ଦୁର୍ଘଟଣା ଜନିତ ମୃତ୍ୟୁ ହୋଇଥିବା ବେଳେ 103ଟି ଦୃତଗାମୀ ଗାଡି ଚାଳନା ରିପୋର୍ଟ ହୋଇଛି । ସେହିପରି କେବଳ ଭୁବନେଶ୍ବରରେ 0 ଆକ୍ସିଡେଣ୍ଟ ଡେଥ ସହ 11ଟି ଦୃତଗାମୀ ଗାଡି ଚାଳନା ରିପୋର୍ଟ ହୋଇଛି । ଯାହାକି ସଡକ ଦୁର୍ଘଟଣା କ୍ଷେତ୍ରରେ ବଡ ପରିବର୍ତ୍ତନ ଆଣିଛି ।