ପୁରୀ: ପେଟ୍ରୋଲ, ଡିଜେଲ, ରନ୍ଧନ ଗ୍ୟାସ ଓ ନିତ୍ୟ ବ୍ୟବହାର୍ଯ୍ୟ ଜିନିଷ ପତ୍ର ଦର ବୃଦ୍ଧି ବିରୋଧରେ ଆଜି(ଗୁରୁବାର) ଓଡିଶା ବନ୍ଦ ଡାକରା ଦେଇଥିଲେ ବାମପନ୍ଥୀ ଦଳ । ପୁରୀରେ ମଧ୍ୟ ବିଭିନ୍ନ ବାମପନ୍ଥୀ ଦଳ ମାନଙ୍କ ପକ୍ଷରୁ ବିକ୍ଷୋଭ ଓ ପ୍ରତିବାଦ କରାଯାଇଥିଲା ରାଜ୍ୟ ଓ କେନ୍ଦ୍ର ସରକାରଙ୍କ ବିରୋଧରେ ।
ସଂଗଠନ ଅଭିଯୋଗ କରିଛନ୍ତି ଯେ, କୋଭିଡ ଯୋଗୁଁ ଲୋକମାନେ ରୋଜଗାର ହରାଇଥିବା ବେଳେ ଅନାହାର ଓ ଅର୍ଦ୍ଧହାରରେ ଜୀବନ କାଟୁଛନ୍ତି । ଏହି ସମୟରେ ସରକାର ଅତ୍ୟାବଶ୍ୟକ ସାମଗ୍ରୀ ଉପରୁ ଟିକସ ଛାଡ଼ କରି ଲୋକଙ୍କୁ ଦରଦାମ କମାଇବା ପରିବର୍ତ୍ତେ ଅଧିକ ଟିକସ ଲଗାଇଥିବା ହେତୁ ଦରଦାମ ଆକାଶ ଛୁଆଁ ହୋଇଛି । ଗରିବ ଓ ମଧ୍ୟବିତ୍ତଙ୍କ ପରିବାର ଚାଲିବା ଏକ ପ୍ରକାର ମୁସ୍କିଲ ହୋଇ ପଡିଛି । ତେବେ କେନ୍ଦ୍ର ସରକାର ତେଲରେ ଜିଏସଟି ଲାଗୁ, ଖାଦ୍ୟ ସାମଗ୍ରୀ ଓ ଔଷଧ ଦର କମାଇବା, ଲୋକଙ୍କୁ ରୋଜଗାର ଦେବା, ଆୟକର ଦେଉ ନଥିବା ପ୍ରତ୍ୟେକ ପରିବାରକୁ ମାସିକ ମୁଣ୍ଡ ପିଛା 10 କିଲୋ ଖାଦ୍ୟ ସାମଗ୍ରୀ ସହ 7 ହଜାର 5 ସହ ଟଙ୍କା 6 ମାସ ପାଇଁ ପ୍ରଦାନ ଦାବିରେ ଆଜି ସାରା ଓଡିଶାରେ ସକାଳ 6ଟାରୁ ମଧ୍ୟାହ୍ନ 12 ଟା ପର୍ଯ୍ୟନ୍ତ ଓଡିଶା ବନ୍ଦ ପାଳନ କରିଛନ୍ତି ବିଭିନ୍ନ ବାମପନ୍ଥୀ ଦଳ ।
ପୁରୀରୁ ଶକ୍ତି ପ୍ରସାଦ ମିଶ୍ର, ଇଟଭି ଭାରତ