ବାଘ ଛାଲ ଜବତ ଘଟଣା: ଆଉ ୪ ଗିରଫ

ଦେବଗଡ ବାଘ ଛାଲ ଜବତ ଘଟଣାରେ ଆଉ ଚାରି ଅଭିଯୁକ୍ତ ଗିରଫ କରିଛି କ୍ରାଇମବ୍ରାଞ୍ଚ ଏସଟିଏଫ ।

ଭୁବନେଶ୍ବର: ଦେବଗଡ ବାଘ ଛାଲ ଜବତ ଘଟଣାରେ ଆଉ ଚାରି ଅଭିଯୁକ୍ତ ଗିରଫ । ଗିରଫ ଅଭିଯୁକ୍ତ ହେଉଛନ୍ତି କେନ୍ଦୁଝରର କାଳିଚରଣ ଦାସ, ଭାଗିରଥି ନାୟକ ଓରଫ ଭାସ୍କର, ପିତାମ୍ବର ଖଟେଇ ଓରଫ ପଣ୍ଡିତ, ନେତ୍ରାନନ୍ଦ କିଶାନ ଓରଫ ନେତ୍ର। ।

ସୂଚନା ଅନୁଯାୟୀ, ଭାଗିରଥୀ ଓ ଭାସ୍କର ବାଘ ଛାଲ ଯୋଗାଡ ପରେ ମଧ୍ୟସ୍ଥି କାଳିଚରଣ ଓ ନେତ୍ରାନନ୍ଦକୁ ଦେଇଥିଲେ । ଏହାପରେ ସେମାନେ ବାଘଛାଲ ବିକ୍ରିପାଇଁ ପୁର୍ବରୁ ଗିରଫ ହୋଇଥିବା ଅଭିଯୁକ୍ତକୁ ଦେଇଥିଲେ । ତେବେ ଏହି ଘଟଣାରେ ଏଯାଏଁ ମୋଟ ୭ଜଣ ଗିରଫ ହୋଇଛନ୍ତି ।

ତେବେ ଗତ ଜୁନ୍ ୨୧ ତାରିଖରେ ଦେବଗଡରୁ ପ୍ରଥମ ଥର ପାଇଁ ବାଘ ଛାଲ ବିକ୍ରିର ସୂଚନା ପାଇ ତିନି ଜଣଙ୍କୁ ଗିରଫ କରିଥିଲା କ୍ରାଇମବ୍ରାଞ୍ଚ ଏସଟିଏଫ । ତେବେ ଶୁକ୍ରବାର ସେମାନଙ୍କୁ ୱାଇଲ୍ଡ ଲାଇଫ ପ୍ରୋଟେକ୍ସନ ଆକ୍ଟ ୧୯୭୨ ଏବଂ ଆଇପିସିର ଧାର ୪୧୧, ୩୭୯, ୧ ୨୦(ବି)ରେ ଦେବଗଡ ଏସଡିଜେଏମ କୋର୍ଟରେ ହାଜର କରାଯିବ ।

ଭୁବନେଶ୍ବରରୁ ତାପସ ପରିଡା, ଇଟିଭି ଭାରତ