ଭୁବନେଶ୍ବର: ୨୦୧୯ ନ୍ୟାସନାଲ୍ ଇନଷ୍ଟିଚ୍ୟୁସନାଲ୍ ରାଙ୍କିଙ୍ଗ୍ ଫ୍ରେମୱାର୍କରେ ବିଶ୍ୱବିଦ୍ୟାଳୟ ବର୍ଗରେ ସାରା ଭାରତରେ ୨୪ ତମ ସ୍ଥାନ ଅଧିକାର କରିଛି ସୋଆ । ଗତବର୍ଷ ଭଳି ଚଳିତ ବର୍ଷ ମଧ୍ୟ ସୋଆ ୨୪ତମ ସ୍ଥାନ ବଜାୟ ରଖିଛି । ଏନେଇ କେନ୍ଦ୍ର ମାନବ ସମ୍ବଳ ବିକାଶ ମନ୍ତ୍ରଣାଳୟ ପକ୍ଷରୁ ଘୋଷଣା କରାଯାଇଛି । ହେଲେ ଚଳିତ ବର୍ଷ ଏଥିରୁ ବାଦ୍ ପଡିଛି ଓଡ଼ିଶାର ବିଶ୍ବବିଦ୍ୟାଳୟ । ସରକାରୀ ହେଉ କି ସ୍ବୟଂ ଶାସିତ କୌଣସି ବି ଶିକ୍ଷାନୁଷ୍ଠାନ ଏଥିରେ ସ୍ଥାନ ପାଇଁ ନାହିଁ ।
ତେବେ ସେମାନେ ଅଯୋଗ୍ୟ ହେବାର କାରଣ ଦର୍ଶାଅ ନୋଟିସ ଜାରି କରିଛି ରାଜ୍ୟ ବୈଷୟିକ ଶିକ୍ଷା ବିଭାଗ। ବିଜୁ ପଟ୍ଟନାୟକ ବୈଷୟିକ ବିଶ୍ୱବିଦ୍ୟାଳୟର କୁଳପତି, ଆଇଜିଆଇଟି ସରାଙ୍ଗ, କଳାହାଣ୍ଡିର ସିଇଟି ଅଧ୍ୟକ୍ଷ ଓ ବ୍ରହ୍ମପୁର ସରକାରୀ ଇଞ୍ଜିନିୟରିଂ କଲେଜ ସମେତ ଅନ୍ୟ ଶିକ୍ଷାନୁଷ୍ଠାନ ଗୁଡିକର ମୁଖ୍ୟଙ୍କୁ ଏନେଇ ଚିଠି ଲେଖିଛନ୍ତି ବିଭାଗର ଯୁଗ୍ମ ସଚିବ।