ଭୁବନେଶ୍ବର: ବହୁ କଳ୍ପନା ଜଳ୍ପନା ପରେ ଶେଷରେ ପାଇକ ବିଦ୍ରୋହ ପ୍ରତିଷ୍ଠା ପାଇଁ ଜାଗା ଚିହ୍ନଟ ହୋଇଛି । ବରୁଣେଇ ପାହାଡ ପାଦଦେଶ ପରିବର୍ତ୍ତେ ଖୋର୍ଦ୍ଧା ମଉଜାରେ ସ୍ମାରକୀ ପ୍ରତିଷ୍ଠା ପାଇଁ ୬.୫୬୦ ଏକର ଜମି ଚିହ୍ନଟ କରିଛନ୍ତି ଖୋର୍ଦ୍ଧା ଜିଲ୍ଲାପାଳ । ପୂର୍ବରୁ ବରୁଣେଇ ପାହାଡ ପାଦଦେଶରେ ସ୍ମାରକୀ ପ୍ରତିଷ୍ଠା ପାଇଁ ଜାଗା ଚିହ୍ନଟ କରିବାକୁ ଦାବି ହୋଇଆସୁଥିଲା ।
ଏନେଇ ଗତ ୨୦୧୮ ମାର୍ଚ୍ଚରେ ଓଡ଼ିଆ ଭାଷା ଓ ସାହିତ୍ୟ ବିଭାଗ ପକ୍ଷରୁ ଖୋର୍ଦ୍ଧା ଜିଲ୍ଲାପାଳଙ୍କୁ ଜମି ଚିହ୍ନଟ ପାଇଁ ଅନୁରୋଧ କରାଯାଇଥିଲା । ଖୋର୍ଦ୍ଧାର ବରୁଣେଇ ଠାରୁ ପାଇକ ବିଦ୍ରୋହର ୧୫୦ ବର୍ଷ ପୂର୍ତ୍ତି ଉପଲକ୍ଷେ ସ୍ମାରକୀ ପ୍ରତିଷ୍ଠା ପାଇଁ ରାଜ୍ୟ ସରକାର ଘୋଷଣା କରିଥିଲେ ।