ଭୁବନେଶ୍ବର: ରାଜଧାନୀର ବୁଲୁଛି ସ୍ମାର୍ଟ ଚୋରଣୀ। ଚୋରି ପାଇ ଛୋଟ ଛୁଆକୁ କରୁଛି ବ୍ୟବହାର। ଏକ ମେଡିସିନ ଦୋକାନରେ ମେଡିସିନ କିଣିବା ଆଳରେ ମୋବାଇଲ ଚୋରି ବେଳେ ସିସିଟିଭିରେ କଏଦ ହୋଇଛି ଏପରି କାରନାମା । ଏନେଇ ବଡଗଡ ଥାନାରେ ହୋଇଛି ଅଭିଯୋଗ ।
ଛୋଟ ଛୁଆ ଜରିଆରେ ଚୋରି,ରାଜଧାନୀରେ ବୁଲୁଛି ସ୍ମାର୍ଟ ଚୋରଣୀ
ସୁଚନା ମୁତାବକ ଗତ 23 ତାରିଖରେ କଳ୍ପନାସ୍ଥିତ ରାଜେନ୍ଦ୍ର ମେଡିକାଲ ଷ୍ଟୋରରେ ଜଣେ ଛୋଟ ପିଲାକୁ ସାଙ୍ଗରେ ଧରି ପହଞ୍ଚିଥିଲେ ଜଣେ ମହିଳା। ମହିଳାଜଣଙ୍କ ଛୁଆ ପାଇଁ ଔଷଧ କିଣିବା ପାଇଁ ଦୋକାନିକୁ କହିଲେ । ଏନେଇ ଦୋକାନି ଔଷଧ ଆଣିବା ପାଇଁ ପଛପଟକୁ ମୁହଁ ବୁଲାଇଲା ବେଳେ ସଂପୃକ୍ତା ମହିଳା ଜଣଙ୍କ ସାଥିରେ ଥିବା ଛୋଟିଆ ପିଲାଟିକୁ ଇସାରା ଦେଇଥିଲେ। ପିଲାଟି ତୂରନ୍ତ ଦୋକାନର କାଉଣ୍ଟର ଭିତରକୁ ପଶି ମୋବାଇଲଟି ଚତୁରତାର ସହ ଆଣି ବାହାରକୁ ଆସିଥିଲେ ।