ଭୁବନେଶ୍ବର: ଶେଷ ହୋଇଛି ଦୀର୍ଘ 12 ଦିନ ଧରି ଖଣ୍ଡଗିରିର ପାଦ ଦେଶରେ ଅନୁଷ୍ଠିତ ହେଉଥିବା ଯାତ୍ରା ମହାସମର । ଏହି ଉତ୍ସବର ଭରପୁର ଆନନ୍ଦ ଉଠାଇଛନ୍ତି କଳାପ୍ରେମୀ ଓ ଦର୍ଶକ ମାନେ । ଅନ୍ୟଦିନ ମାନଙ୍କ ଠାରୁ ଯାତ୍ରାର ଏହି ଶେଷ ଦିନରେ ଦର୍ଶକଙ୍କ ଅଧିକ ସମାଗମ ବିଭିନ୍ନ ଯାତ୍ରା ପେଣ୍ଡାଲରେ ଦେଖିବାକୁ ମିଳିଥିଲା ।
ସରିଲା ଖଣ୍ଡଗିରି ଯାତ୍ରା ମହାକୁମ୍ଭ
ପ୍ରତିବର୍ଷ ମାଘ ମେଳା ଅବସରରେ ଖଣ୍ଡଗିରି ପାଦ ଦେଶରେ ଜମେ ଯାତ୍ରା ଜଗତର ମହାଆସର । ଦୀର୍ଘ 12 ଦିନ ଧରି ଚାଲୁଥିବା ଏହି ଆସର କଳାପ୍ରେମୀ ଦର୍ଶକଙ୍କୁ ମନୋରଞ୍ଜନର ବେଶ ଖୋରାକ ଯୋଗାଏ । ପେଣ୍ଡାଲରେ ସେମାନଙ୍କ ମନପସନ୍ଦର କଳାକାରଙ୍କୁ ଦେଖିବା ସହ ତାଙ୍କର ଅଭିନୟ ଓ ସଂଳାପ ଶୁଣିବାକୁ ରାତି ରାତି ଅନିଦ୍ରା ରହିବାକୁ ବାଧ୍ୟ କରେ ।