ଭୁବନେଶ୍ବର: ରାଜ୍ୟରେ କୋରୋନାର ବର୍ତ୍ତମାନ ସ୍ଥିତିକୁ ନେଇ ନିଜର ବିବୃତ୍ତି ଦେଇଛନ୍ତି ସରକାରଙ୍କ ମୁଖ୍ୟ ମୁଖପାତ୍ର ସୁବ୍ରତ ବାଗଚୀ । ସଂକ୍ରମଣକୁ ଦୃଷ୍ଟିରେ ରଖି ଆଗାମୀ ସପ୍ତାହ ଆମପାଇଁ ଗୁରୁତ୍ବପୂର୍ଣ୍ଣ ବୋଲି କହିଛନ୍ତି ବାଗଚୀ । ସେ କହିଛନ୍ତି ଯେ ବୟସ ବଢ଼ିବା ସହ ରୋଗ ପ୍ରତିରୋଧକ ଶକ୍ତି ହ୍ରାସ ପାଇଥାଏ । ତେବେ ଏହାର ପ୍ରଭାବ ବିଶେଷ ଭାବରେ ବୟସ୍କ ଲୋକଙ୍କ ଉପରେ ପଡେ ।
'ଏହା ପାରିବାରିକ ବନ୍ଧୁ ମିଲନର ନୁହେଁ, ହୋମ କ୍ବାରେଣ୍ଟାଇନର ସମୟ' କୋରୋନା ସଂକ୍ରମଣ ଯୋଗୁଁ ରାଜ୍ୟରେ 17 ଜଣଙ୍କ ମୃତ୍ୟୁ ଘଟିଛି । ଏମାନଙ୍କ ମଧ୍ୟରୁ 9 ଜଣ ହେଉଛନ୍ତି 60 ବର୍ଷରୁ ଅଧିକ ବୟସର ବ୍ୟକ୍ତି। ଏହି କୋରୋନା ରୋଗ ବିଶେଷ ଭାବରେ ଶ୍ୱାସକ୍ରିୟାକୁ ପ୍ରଭାବିତ କାରିଥାଏ । ଘର ବାହାରକୁ ନଯାଇକି ବି ବୟସ୍କ ଲୋକ ସଂକ୍ରମିତ ହୋଇଥାନ୍ତି । ପରିବାରର ଅବହେଳା ଯୋଗୁଁ ଏପରି ହୁଏ ବୋଲି ବାଗଚୀ ନିଜ ବିବୃତ୍ତିରେ କହିଛନ୍ତି । ଏହାସହ ଘରେ ରହୁଥିବା ବ୍ୟକ୍ତିଙ୍କୁ କିଛି ପରାମର୍ଶ ମଧ୍ୟ ସେ ଦେଇଛନ୍ତି ।
ଘରେ ରହୁଥିବା ବୟସ୍କ ଲୋକଙ୍କ କିପରି ଯତ୍ନ ନେବା - ବୟସ୍କଙ୍କ ପାଖକୁ ଗଲାବେଳେ ମାସ୍କ ପିନ୍ଧନ୍ତୁ
- ତାଙ୍କର ଯେକୌଣସି ସେବା ଶୁଶ୍ରୁଷା କରିବା ଆଗରୁ ହାତ ସାବୁନରେ ଧୁଅନ୍ତୁ
- ତାଙ୍କର ଛୁଆଁ ଜିନିଷ ଯେପରି ଆଶାବାଡି, ମୋବାଇଲ ଫୋନକୁ ପରିଷ୍କାର ରଖନ୍ତୁ
- ବନ୍ଧୁ କୁଟୁମ୍ବଙ୍କୁ ଘରକୁ ଡାକନ୍ତୁ ନାହିଁ
- ବୟସ୍କଙ୍କ ସାଙ୍ଗରେ ଘର ଭିତରେ ମଧ୍ୟ ସାମାଜିକ ଦୂରତା ରଖନ୍ତୁ
- ଅଯଥା ଡାକ୍ତରଖାନା ଓ କ୍ଲିନିକକୁ ନିଅନ୍ତୁ ନାହିଁ
- ଟ୍ରେନ, ବିମାନବନ୍ଦର ଓ ବସରେ ଯାତ୍ରା କରିବାକୁ ଦିଅନ୍ତୁ ନାହିଁ
- ନିଜେ ଭିଡ଼ ସ୍ଥାନକୁ ଯାଆନ୍ତୁ ନାହିଁ ଏବଂ ବାହାରୁ ଆସିବାପରେ ପରିଷ୍କାର ରୁହନ୍ତୁ
- ବୟସ୍କ ଲୋକଙ୍କର ଶାରୀରିକ ଓ ମାନସିକ ହିତ ପ୍ରତି ଧ୍ୟାନ ଦିଅନ୍ତୁ
10.ଜ୍ୱର ଶ୍ୱାସ କଷ୍ଟରେ ଲକ୍ଷଣ ଦେଖିଲେ 104କୁ ଯୋଗାଯୋଗ କରନ୍ତୁ
ଏହି ସମୟ ପାରିବାରିକ ବନ୍ଧୁ ମିଳନର ସମୟ ନୁହେଁ ହୋମ କ୍ବାରେଣ୍ଟାଇନର
- ସାଙ୍ଗସାଥି ବନ୍ଧୁ କୁଟୁମ୍ବଙ୍କ ସାଙ୍ଗରେ ଦେଖାହେବା ନାହିଁ।
- ଅଲଗା ପ୍ରକୋଷ୍ଠ ଅଲଗା ବାଥରୁମ, ମୁକ୍ତ ପବନରେ ରହିବେ।
- ବୟସ୍କ ଗର୍ଭବତୀ ମହିଳା ଶିଶୁ ଅସୁସ୍ଥ ବ୍ୟକ୍ତିଙ୍କ ଠାରୁ ଦୂରରେ ରହିବେ।
- କୋଠରୀ ବାହାର ଘର ଭିତରେ ବୁଲାବୁଲି କରିବେ ନାହିଁ।
- ଘର ଭିତରେ ସାମାଜିକ ଧାର୍ମିକ ଅନୁଷ୍ଠାନରେ ଯୋଗ ଦେବେ ନାହିଁ।
- ସବୁବେଳେ ମାସ୍କ ପିନ୍ଧିବେ, ପ୍ରତିଦିନ ମାସ୍କକୁ ଭଲଭାବରେ ଧୋଇବେ।
- ପରିବାରର ମାତ୍ର ଜଣେ ନିର୍ଦ୍ଧିଷ୍ଟ ବ୍ୟକ୍ତି ଦେଖାଶୁଣା କରିବେ।
- ବ୍ୟବହାର କରୁଥିବା ଲୁଗାପଟା, ବିଛଣାକୁ ଗ୍ଲୋଭସ ମାଧ୍ୟମରେ ଧରିବେ।
- ଜ୍ୱର କାଶ ହେଲେ 104କୁ ଯୋଗାଯୋଗ କରିବେ।
ଭୁବନେଶ୍ବରରୁ ବିକାଶ କୁମାର ଦାସ, ଇଟିଭି ଭାରତ
