ଭୁବନେଶ୍ବର: ପଦନ୍ନୋତି ପରେ 5 ଆଇପିଏସଙ୍କୁ ମିଳିଛି ନୂଆ ନିଯୁକ୍ତି । 1988 ବ୍ୟାଚ ଆଇପିଏସ ଏସକେ ଉପାଧ୍ୟାୟ ଡିଜି ପାହ୍ୟାକୁ ପଦୋନ୍ନତି ପାଇବା ପରେ ପ୍ରିଜନ ଡିଜି ଭାବେ ନିଯୁକ୍ତି ପାଇଛନ୍ତି । 1993 ବ୍ୟାଚ ଆଇପିଏସ ଆରପି କୋଚେଙ୍କୁ ବି ପଦୋନ୍ନତି ଦିଆଯାଇଛି । ସୌମେନ୍ଦ୍ର ପ୍ରିୟଦର୍ଶୀ ଏଡିଜି ଆଇନ ଶୃଙ୍ଖଳା ସହ ସିଆଇଡି ଦାୟିତ୍ବ ମଧ୍ୟ ତୁଳାଇବେ । ଓ୍ଵାଇ କୋୟଲ ଆଇଜି ପାହ୍ୟାକୁ ପଦୋନ୍ନତି ପାଇ ପୋଲିସ ମୁଖ୍ୟାଳୟରେ ରହିବେ । ସେହିପରି 2006 ବ୍ୟାଚ ଆଇପିଏସ ଅନୁପ ସାହୁ ଡିଆଇଜି ପାହ୍ୟାକୁ ପଦୋନ୍ନତି ପାଇ ଦ୍ବେତନଗର କମିଶନରେଟ ପୋଲିସ ଏସିପି ଭାବେ ନିଯୁକ୍ତି ପାଇଛନ୍ତି । ଏହାସହ ସେ ଡିସିପି ଦାୟିତ୍ବ ବି ତୁଲାଇବେ ।
ନୂଆବର୍ଷ ପୂର୍ବରୁ 5 ଆଇପିଏସଙ୍କୁ ପଦୋନ୍ନତି ସହ ନୂଆ ଦାୟିତ୍ବ
ନୂଆବର୍ଷ ପୂର୍ବରୁ ଆଇଏଏସ ଓ ଆଇପିଏସଙ୍କୁ ନବବର୍ଷ ଭେଟି । ପଦୋନ୍ନତି ସହ ମିଳିଲା ନୂଆ ନିଯୁକ୍ତି ।
ଲୋକସେବା ଭବନ
ଅନ୍ୟପଟେ ୨ ଜଣ ଆଇଏଏସ ଅଧିକାରୀଙ୍କୁ ପଦୋନ୍ନତି ମିଳିଛି । ୧୯୮୯ ବ୍ୟାଚର ପ୍ରଦୀପ କୁମାର ଜେନା ଓ ମୋନା ଶର୍ମାଙ୍କୁ ପ୍ରମୁଖ ସଚିବରୁ ଅତିରିକ୍ତ ମୁଖ୍ୟ ଶାସନ ସଚିବ ପାହ୍ୟାକୁ ପଦୋନ୍ନତି ମିଳିଛି ଏହାସହ କେନ୍ଦ୍ରୀୟ ଡେପୁଟେସନରେ ଥିବା ଆଇଏଏସ ପରାଗ ଗୁପ୍ତାଙ୍କୁ ମଧ୍ୟ ପଦୋନ୍ନତି ମିଳିଛି ।
ଭୁବନେଶ୍ବରରୁ ଜ୍ଞାନଦର୍ଶୀ ସାହୁ, ଇଟିଭି ଭାରତ