ଘର ପ୍ରତିଷ୍ଠା ନେଇ ବୁଲିଲା ଛୁରୀ, ସ୍ୱାମୀର ଆକ୍ରମଣରେ ଗୁରୁତର ସ୍ତ୍ରୀ

ମଞ୍ଚେଶ୍ବର ଅଞ୍ଚଳର ଅରବିନ୍ଦ ବସ୍ତିରେ ଘଟିଛି ଅଭାବନୀୟ ଘଟଣା । ଘର ପ୍ରତିଷ୍ଠାକୁ ନେଇ ଛୁରୀରେ ଆକ୍ରମଣ ହୋଇଥିଵା ଜଣାପଡ଼ିଛି । ଅଧିକ ପଢ଼ନ୍ତୁ...

ଭୁବନେଶ୍ବର: ରାଜଧାନୀରେ ବୁଲିଲା ଛୁରୀ। ସ୍ବାମୀର ଆକ୍ରମଣର ଗୁରୁତର ସ୍ତ୍ରୀ ଓ ସାନ ସଢ଼ୁ ଓ ଶଳା । ମଞ୍ଚେଶ୍ବର ଅଞ୍ଚଳର ଅରବିନ୍ଦ ବସ୍ତିରେ ଘଟିଛି ଏଭଳି ଅଭାବନୀୟ ଘଟଣା । ଘର ପ୍ରତିଷ୍ଠାକୁ ନେଇ ଛୁରୀରେ ଆକ୍ରମଣ ହୋଇଥିଵା ଜଣାପଡ଼ିଛି ।

ଘଟଣାରେ ତିନିଜଣ ଆହତ ଅବସ୍ଥାରେ ଏକ ଘରୋଇ ହସ୍ପିଟାଲରେ ଚିକିତ୍ସିତ ହେଉଛନ୍ତି । ମଞ୍ଚେଶ୍ବର ଥାନାରେ ଅଭିଯୁକ୍ତ ସଞ୍ଜୟ ବାରିକକୁ ଅଟକ ରଖିଛି ପୋଲିସ । ରାଜୀବ ଆବାସ ଯୋଜନାରେ ସଞ୍ଜୟ ବାରିକଙ୍କ ଘର ମିଳିଥିଲା । ହେଲେ କିଛି ଦିନ ହେବ ସଞ୍ଜୟ ବାରିକଙ୍କ ସାନ ସଢ଼ୁ ଶଳା ଓ ସଢ଼ୁର ସ୍ତ୍ରୀ ଆସି ରହୁଥିଲେ ।

ପରବର୍ତ୍ତୀ ସମୟରେ ଏମାନଙ୍କ ମଧ୍ୟରେ କୌଣସି ଏକ କଥାକୁ ନେଇ ବଚସା ହୋଇଥିଲା । ଯେଉଁଥିରେ ରାଗି ଯାଇ ସଞ୍ଜୟ ବାରିକ ନିଜ ସ୍ତ୍ରୀକୁ ସେମାନଙ୍କୁ ବାହାରିଯିଵାକୁ କହିବା ପାଇଁ କହିଥିଲା। ହେଲେ ସ୍ତ୍ରୀ ସେମାନଙ୍କୁ କିଛିଦିନ ସମୟ ଦେବା ପାଇଁ କହିବାରୁ ସ୍ତ୍ରୀ ସହ, ଶଳା ଓ ସାନ ସଢ଼ୁଙ୍କୁ ସଞ୍ଜୟ ଆକ୍ରମଣ କରିଥିଲା ବୋଲି ଜଣାପଡ଼ିଛି । ମଞ୍ଚେଶ୍ବର ଥାନାରେ ଅଭିଯୁକ୍ତ ସଞ୍ଜୟ ବାରିକଙ୍କ ଅଟକ ରଖି ପୋଲିସ ଅଧିକ ତଦନ୍ତ କରୁଛି ।

ଭୁବନେଶ୍ବରରୁ ତାପସ ପରିଡ଼ା, ଇଟିଭି ଭାରତ