ଭୁବନେଶ୍ବର:ରଙ୍ଗର ପର୍ବ ହୋଲିକୁ ନେଇ ଉତ୍ସବ ମୁଖର ସାରା ଦେଶ । ଏହି ପର୍ବକୁ ଜାତି, ଧର୍ମ, ବର୍ଣ୍ଣ, ନିର୍ବିଶେଷରେ ସମସ୍ତେ ଏହି ପର୍ବକୁ ଖୁବ ଧୁମ୍ଧାମ୍ରେ ପାଳନ କରନ୍ତି । ରଙ୍ଗର ଛିଟାରେ ରଙ୍ଗୀନ ହୋଇ ସଭିଏଁ ପାଳୁଛନ୍ତି ହୋଲି ପର୍ବ । ବିଗତ ଦୁଇ ବର୍ଷ ଧରି କୋଭିଡ କଟକଣା ମଧ୍ୟରେ ପାଳିତ ହେଉଥିଲା ହୋଲି ପର୍ବ । କିନ୍ତୁ ଚଳିତ ଥର କୋଭିଡ କଟକଣା କୋହଳ ହେବା ପରେ ସଭିଏଁ ଆନନ୍ଦର ସହକାରେ ହୋଲି ପାଳନ କରୁୁଛନ୍ତି ।
ଚଳିତ ବର୍ଷ ସାଧାରଣ ଲୋକଙ୍କ ଠାରୁ ଆରମ୍ଭ କରି ନେତାମନ୍ତ୍ରୀ ଯାଏଁ ପରସ୍ପରକୁ ରଙ୍ଗ ବୋଳି ଶୁଭେଚ୍ଛା ଜଣାଇଛନ୍ତି । ଏହି କ୍ରମରେ ରାଜ୍ୟ ବିଜେପି କାର୍ଯ୍ୟାଳୟରେ ହୋଲି ଉତ୍ସବ ଓ ବନ୍ଧୁମିଳନ କାର୍ଯ୍ଯକ୍ରମ ଅନୁଷ୍ଠିତ ହୋଇଯାଇଛି । ରାଜ୍ୟବାସୀଙ୍କୁ ହୋଲିର ଶୁଭକାମନା ଜଣାଇଛନ୍ତି ସମୀର ମହାନ୍ତି ଏବଂ ବନ୍ଧୁ ପରିଜନଙ୍କ ସୁଖମୟ ଜୀବନ କାମନା କରିଛନ୍ତି । ଏହି କାର୍ଯ୍ୟକ୍ରମରେ ରାଜ୍ୟ ବିଜେପି ସଭାପତି ସମୀର ମହାନ୍ତିଙ୍କ ସମେତ ବହୁ ନେତା ଯୋଗ ଦେଇଥିଲେ। ଏହା ବ୍ୟତିତ ଏକ ସାଂସ୍କୃତିକ କାର୍ଯ୍ୟକ୍ରମ ପରିବେଷଣ ହୋଇଥିଲା ଏବଂ ଗଣମାଧ୍ୟମର ବହୁ ବରିଷ୍ଠ ସାମ୍ବାଦିକ ମାନଙ୍କୁ ନିମନ୍ତ୍ରଣ କରାଯାଇଥିଲା।
ଭୁବନେଶ୍ବରରୁ ମନୋରଞ୍ଜନ ଶଙ୍ଖୁଆ, ଇଟିଭି ଭାରତ