ଭୁବନେଶ୍ବର:ଉଚିତ ଚରିତ୍ର ଗଠନ ପାଇଁ କଲେଜରେ ଆୟୋଜନ ହେବ ଯୁବ ସଂସ୍କାର କାର୍ଯ୍ୟକ୍ରମ । ଏନେଇ ସମସ୍ତ କଲେଜ ଅଧ୍ୟକ୍ଷଙ୍କୁ ନିର୍ଦ୍ଦେଶ ଦେଇଛନ୍ତି ଉଚ୍ଚଶିକ୍ଷା ସଚିବ । ଯୁବ ସଂସ୍କାର କାର୍ଯ୍ୟକ୍ରମ ପାଠ୍ୟକ୍ରମ ବହିର୍ଭୁତ ରହିବ ।
ଏହାସତ୍ତ୍ବେ କ୍ଳାସ ରୁମ୍ରେ ଏହା ଆୟୋଜିତ ହେବ । କୌଣସି ପରୀକ୍ଷା ବା ମୂଲ୍ୟାୟନ ହେବ ନାହିଁ । ମାସକୁ ଅତି କମରେ ଥରେ କ୍ଳାସ କରାଯିବ । ଏହି କାର୍ଯ୍ୟକ୍ରମ ଜରିଆରେ ଚରିତ୍ର ଗଠନ ଉପରେ ଆଧାରିତ ଫିଲ୍ମ ଗୁଡ଼ିକୁ ପ୍ରଦର୍ଶନ କରାଯିବ । ଛାତ୍ରଛାତ୍ରୀଙ୍କୁ ଅତ୍ୟାଧୁନିକ କୌଶଳ ଏବଂ ଜ୍ଞାନ ସହିତ ସମୃଦ୍ଧ କରିବା ସହ ଚରିତ୍ର ଗଠନ ଉଦ୍ଦେଶ୍ୟ ହାସଲ କରିବା ଏହାର ଉଦ୍ଦେଶ୍ୟ । ଏଥିପାଇଁ ୨୦୨୧-୨୨ ଶିକ୍ଷାବର୍ଷରୁ ଅଣ୍ଡର ଗ୍ରାଜୁଏସନ୍(Under Graduation) ସ୍ତରରେ 'ନିଶ୍ଚିକତା ଏବଂ ମୂଲ୍ୟବୋଧ' ନାମକ ଏକ ନୂତନ ବାଧ୍ୟତାମୂଳକ ଏକାଡେମିକ୍ ପାଠ୍ୟକ୍ରମ ପ୍ରବର୍ତ୍ତିତ ହୋଇଛି ।