ଭୁବନେଶ୍ବର: ଆଗକୁ ଆସୁଛି ପଞ୍ଚାୟତ ଓ ପୌର ନିର୍ବାଚନ। ଶାସକ ବିଜେଡି ଓ ବିଜେପି ନିଜର ସଜବାଜ ଆରମ୍ଭ କରି ସାରିଥିବାବେଳେ ଆଜି ଲଢେଇ ପାଇଁ ଅଣ୍ଟା କଂଗ୍ରେସ। ଏନେଇ ଭୁବନେଶ୍ବରରେ କଂଗ୍ରେସ ଭବନରେ ପ୍ରସ୍ତୁତି ବୈଠକ ଅନୁଷ୍ଠିତ ହୋଇଛି । ଆଗକୁ କିଭଳି ପଞ୍ଚାୟତରେ ତୃଣମୂଳ ସ୍ତରରୁ ଦଳର ସ୍ଥାୟିତ୍ବ ଜାହିର କରାଯିବ ସେ ନେଇ ସୋମବାର କଂଗ୍ରେସ ଭବନରେ ପିସିସି ସଭାପତି ନିରଞ୍ଜନ ପଟ୍ଟନାୟକଙ୍କ ନେତୃତ୍ବରେ ସମସ୍ତ ସାଙ୍ଗଠନିକ ଜିଲ୍ଲାର ସଭାପତି ଓ ନେତୃବୃନ୍ଦ ଏକାଠି ହୋଇ ରଣନୀତି ପ୍ରସ୍ତୁତ କରିଛନ୍ତି ।
ପଞ୍ଚାୟତ ନିର୍ବାଚନକୁ ନେଇ ଅଣ୍ଟା ଭିଡିଲା କଂଗ୍ରେସ, ପିସିସି ସଭାପତିଙ୍କ ନେତୃତ୍ବରେ ଉଚ୍ଚସ୍ତରୀୟ ବୈଠକ
ଆସନ୍ତା ୩୧ ତାରିଖରେ ଓଡିଶା ଆସିବେ ପ୍ରଭାରୀ ଚେଲା କୁମାର । ତେବେ ପ୍ରଭାରୀଙ୍କ ଗସ୍ତ ପୂର୍ବରୁ ଏକ ଉଚ୍ଚସ୍ତରୀୟ ବୈଠକ କରି ଦାୟିତ୍ବ ବାଣ୍ଟିଛି ଦଳ । ଦଳରେ ବିଭିନ୍ନ ନେତାଙ୍କ ମଧ୍ୟରେ ଥିବା ମତଭେଦ ଓ ବୟାନ ବାଜିରୁ ନିବୃତ ରହିବା ପାଇଁ ମଧ୍ୟ ବୈଠକରେ ଅନୁରୋଧ କରାଯାଇଛି ।