ହିରୋ ଇଣ୍ଡିଆନ ମହିଳା ଫୁଟବଲ ଲିଗ୍‌ ସ୍ଥଗିତ

କଳିଙ୍ଗ ଷ୍ଟାଡିୟମରେ 21 ଏପ୍ରିଲରୁ ଖେଳାଯିବାକୁ ଥିବା ହିରୋ ଇଣ୍ଡିଆନ ମହିଳା ଲିଗକୁ ପରବର୍ତ୍ତୀ ଘୋଷଣା ପର୍ଯ୍ଯନ୍ତ ସ୍ଥଗିତ ଘୋଷଣା କଲା ସର୍ବଭାରତୀୟ ଫୁଟବଲ ମହାଂସଘ ।

ଭୁବନେଶ୍ବର: କଳିଙ୍ଗ ଷ୍ଟାଡିୟମରେ ଖେଳାଯିବାକୁ ଥିବା ହିରୋ ଇଣ୍ଡିଆନ ମହିଳା ଲିଗ ସ୍ଥଗିତ । ଓଡିଶାରେ କୋରୋନା ସଂକ୍ରମଣ ବୃଦ୍ଧି ପାଉଥିବାରୁ ଖେଳାଳିଙ୍କ ସ୍ବାସ୍ଥ୍ୟ ଓ ସୁରକ୍ଷା ଦୃଷ୍ଟିରୁ ସର୍ବଭାରତୀୟ ଫୁଟବଲ ମହାଂସଘ ଏହି ନିଷ୍ପତ୍ତି ନେଇଛି ।

ପରବର୍ତ୍ତୀ ଘୋଷଣା ପର୍ଯ୍ୟନ୍ତ ଏହି ମେଗା ପ୍ରତିଯୋଗିତାର ମ୍ୟାଚ ସ୍ଥଗିତ ହୋଇଛି । 21 ଏପ୍ରିଲରୁ କଳିଙ୍ଗ ଷ୍ଟାଡିୟମରେ ମହିଳା ଲିଗ ମ୍ୟାଚ ଖେଳାଯିବା ନେଇ ସୂଚୀ ରହିଥିଲା ।

ତେବେ ରାଜ୍ୟରେ ବଢୁଥିବା କୋରୋନା ସଂକ୍ରମଣକୁ ଦୃଷ୍ଟିରେ ରଖି ଓଡିଶା ସରକାରଙ୍କ ଅନୁରୋଧ ପରେ ଫୁଟବଲ ମହାସଂଘ ଓ ଓଡିଶା ସ୍ପୋର୍ଟ୍ସ ମଧ୍ୟରେ ଆଲୋଚନା ପରେ ଏହି ନିଷ୍ପତ୍ତି ନିଆଯାଇଥିବା AIFF ଘୋଷମାନାମାରେ ଉଲ୍ଲେଖ କରାଯାଇଛି ।

ବ୍ୟୁରୋ ରିପୋର୍ଟ, ଇଟିଭି ଭାରତ