ଭୁବନେଶ୍ବର: ରାଜ୍ୟରେ ଉପରମୁହାଁ ହେଲାଣି ପାରଦ । କିଛିଦିନ ହେବ ସାରା ରାଜ୍ୟରେ ଅସମ୍ଭାଳ ତାତି ଲାଗି ରହିଛି । ଟାଇଁ ଟାଇଁ ଖରାରୁ ତ୍ରାହି ମିଳୁନି ଲୋକଙ୍କୁ । ସକାଳ 10ଟା ହେଲେ ପଦାକୁ ବାହାରିବା ମୁସ୍କିଲ ହୋଇପଡୁଛି । ରାସ୍ତାରେ ଗଡୁଛି କାଁ ଭାଁ ଗାଡି । ତତଲା ପବନ ସାଙ୍ଗକୁ ଗୁଳୁଗୁଳିରେ ଛଟପଟ ସାରା ଓଡିଶା । ଅନେକ ଜିଲ୍ଲାରେ ତାପମାତ୍ରା 40 ଡିଗ୍ରୀ ଉପରେ ଥିବାବେଳେ ଆଉ 24 ଘଣ୍ଟା ପର୍ଯ୍ୟନ୍ତ ରାଜ୍ୟର 10ଟି ଜିଲ୍ଲାକୁ ହିଟୱେଭ ୱାର୍ନିଙ୍ଗ ଦିଆଯାଇଛି ।
ଭିଡିଓ ସୌଜନ୍ୟ: ପ୍ରତିନିଧି, ଭୁବନେଶ୍ବର
ଦୁଇଦିନ ହେଲା ସାରା ଓଡିଶାରେ ଗ୍ରୀଷ୍ମର ପ୍ରଭାବ ଅତ୍ୟଧିକ ବଢିଯାଇଛି । ତେବେ ଆଞ୍ଚଳିକ ପାଣିପାଗ ବିଭାଗ ପକ୍ଷରୁ କିଛି ଜିଲ୍ଲାରେ ହିଟୱେଭ ୱାର୍ନିଙ୍ଗ ଦିଆଯାଇଛି । ତେବେ ଉକ୍ତ ଜିଲ୍ଲା ଗୁଡିକ ହେଉଛି ସୁନ୍ଦରଗଡ଼, ଝାରସୁଗୁଡା, ସମ୍ବଲପୁର, ଅନୁଗୋଳ, ଦେଓଗଡ଼, ବଲାଙ୍ଗିର, ସୁବର୍ଣ୍ଣପୁର, ନୂଆପଡା, କଳାହାଣ୍ଡି । ହୀରାକୁଦରେ ସବୁଠାରୁ ଅଧିକ ତାପମାତ୍ରା 44.8 ଡିଗ୍ରୀ ରେକର୍ଡ କରାଯାଇଥିବା ବେଳେ 11 ଟି ଜିଲ୍ଲାରେ ତାପମାତ୍ରା 40 ଡ଼ିଗ୍ରୀ ଉପରେ ରହିଛି ।