କର୍ମଚାରୀଙ୍କ ପାଇଁ ବିଏମସି ଆରମ୍ଭ କଲା ସ୍ବାସ୍ଥ୍ୟ ଶିବିର

କୋରୋନା କାଳରେ ବିଏମସିରେ ହେଲଥ କ୍ୟାମ୍ପ। କୋରୋନା ଘଡିସନ୍ଧି ମୁହୂର୍ତ୍ତରେ ଅହରହ କାର୍ଯ୍ୟରତ ବିଏମସିର ଅଧିକାରୀ ଓ କର୍ମଚାରୀ ମାନଙ୍କ ପାଇଁ ଅନୁଷ୍ଠିତ ହୋଇଯାଇଛି ସ୍ବାସ୍ଥ୍ୟ ଶିବିର । ଅଧିକ ପଢନ୍ତୁ...

ଭୁବନେଶ୍ବର: କୋରୋନା କାଳରେ ବିଏମସିରେ ହେଲଥ କ୍ୟାମ୍ପ। କୋରୋନା ଘଡିସନ୍ଧି ମୁହୂର୍ତ୍ତରେ ଅହରହ କାର୍ଯ୍ୟରତ ବିଏମସିର ଅଧିକାରୀ ଓ କର୍ମଚାରୀ ମାନଙ୍କ ପାଇଁ ଅନୁଷ୍ଠିତ ହୋଇଯାଇଛି ସ୍ବାସ୍ଥ୍ୟ ଶିବିର । ଆମ୍ରି ହସ୍ପିଟାଲ ସହଯୋଗରେ ବିଏମସିରେ କର୍ଯ୍ୟରତ ତିନୋଟି ଜୋନ ଓ ବିଏମସି ହେଡ ଅଫିସର ପ୍ରାୟ ୧୦୫ ଜଣ କର୍ମଚାରୀ ଓ ଅଧିକାରୀଙ୍କ ସ୍ବାସ୍ଥ୍ୟ ପରୀକ୍ଷା କରାଯାଇଥିଲା। ତେବେ ସେମାନଙ୍କର ଡାଇବେଟିସ,ରକ୍ତଚାପ, ଇସିଜି, ଚକ୍ଷୁ ପରୀକ୍ଷା ଭଳି ବିଭିନ୍ନ ପରୀକ୍ଷା କରାଯାଇଛି।

କୋଭିଡ-୧୯ ପରିପ୍ରେକ୍ଷୀରେ ସବୁ ବର୍ଗର କର୍ମଚାରୀମାନେ ନିଜ ସ୍ବାସ୍ଥ୍ୟବସ୍ଥା ନିଜେ କିପରି ଜାଣିପାରିବେ, ସେନେଇ ସେମାନଙ୍କୁ ସଚେତନ କରାଯାଇଥିଲା । ବିଏମସି ହେଡ ଅଫିସରେ ଅନୁଷ୍ଠିତ ଏହି ସ୍ବାସ୍ଥ୍ୟ ଶିବିରରେ ବିଏମସିର ଇଞ୍ଜିନିୟର, ମାର୍କେଟ ଷ୍ଟାଫ, କିରାଣୀ,ମାଳି ଏବଂ ଚତୁର୍ଥ ଶ୍ରେଣୀ କର୍ମଚାରୀମାନଙ୍କୁ ଅନ୍ତର୍ଭୁକ୍ତ କରାଯାଇଛି ।

ଭୁବନେଶ୍ବରରୁ ସଞ୍ଜୀବ କୁମାର ରାୟ, ଇଟିଭି ଭାରତ