ଭୁବନେଶ୍ବର: ଓଡିଶା ମାନବାଧିକାର କମିଶନଙ୍କୁ ଭେଟିଲେ ଗୁମୁଡୁମାହା ଗୁଳିକାଣ୍ଡ ଘଟଣାରେ କ୍ଷତିଗ୍ରସ୍ତ ପରିବାର । ଘଟଣାରେ ସରକାର କେବଳ ଅନୁକମ୍ପାମୂଳକ ସହାୟତା ଦେଇଥିବା ଅଭିଯୋଗ ହୋଇଛି । ଏଯାବତ୍ କ୍ଷତିଗ୍ରସ୍ତଙ୍କୁ ଥଇଥାନ କରିବା ପାଇଁ କୌଣସି ପ୍ରକାର ବ୍ୟବସ୍ଥା କରାଯାଇନାହିଁ । ବରଂ କମିଶନ କ୍ଷତିଗ୍ରସ୍ତଙ୍କୁ ଅଧିକ 2 ଲକ୍ଷ ଟଙ୍କା ଦେବାକୁ ନିର୍ଦ୍ଦେଶ ଦେଇଥିବାବେଳେ ତାହାକୁ ପାଳନ କରାଯାଇନାହିଁ । ଏହି କ୍ରମରେ କ୍ଷତିଗ୍ରସ୍ତ ପରିବାରକୁ କ୍ଷତିପୂରଣ ଦେବା ସହ ଅନ୍ୟାନ୍ୟ ସହାୟତା ଯୋଗାଇବା ନେଇ ମାନବାଧିକାର କମିଶନଙ୍କ ଦ୍ବାରସ୍ଥ ହୋଇଛନ୍ତି ।
ଗୁଳିକାଣ୍ଡରେ କ୍ଷତିଗ୍ରସ୍ତ ପରିବାରଙ୍କ ଅଭିଯୋଗ ଅନୁଯାୟୀ, ମୃତକଙ୍କ ପରିବାରକୁ 50 ହଜାର ଏବଂ କ୍ଷତିଗ୍ରସ୍ତ ବ୍ୟକ୍ତିଙ୍କ ପରିବାରକୁ 25 ଲକ୍ଷ ଟଙ୍କା ଅନୁକମ୍ପା ରାଶି ପ୍ରଦାନ କରାଯାଉ । ସୂଚନାନୁସାରେ, ରାଜ୍ୟ ସରକାର ଉକ୍ତ ଘଟଣାର ତଦନ୍ତ ପାଇଁ କନ୍ଧମାଳ ଜିଲ୍ଲା ଜଜଙ୍କୁ ତଦନ୍ତ କମିଶନ ପାଇଁ ନିଯୁକ୍ତି ଦେଇଥିଲେ । ନିର୍ଦ୍ଦେଶକୁ ଏକ ବର୍ଷରୁ ଉର୍ଦ୍ଧ୍ବ ହୋଇଥିବାବେଳେ ସରକାର ଏହି ରିପୋର୍ଟକୁ ସାର୍ବଜନୀନ କରିବାକୁ ଅନୁରୋଧ କରିଛନ୍ତି । ସେପଟେ ରାଜ୍ୟ ମାନବାଧିକାର କମିଶନଙ୍କ ଚିଠି ସଂଖ୍ୟା 14354/ଓଏଚଆରସି ଅନୁସାରେ ଯେଉଁ ଆଦେଶ ଦିଆଯାଇଥିଲା ତାହା ରାଜ୍ୟ ସରକାର ପାଳନ କରିନଥିବା ଅଭିଯୋଗ ହୋଇଛି ।