ଭୁବନେଶ୍ବର: ଉନ୍ନତିକରଣ ହେବ ଗଞ୍ଜାମ ଜିଲ୍ଲାର ପୁରାତନ ଶକ୍ତିପୀଠ ତାରାତାରିଣୀ । ପ୍ରସିଦ୍ଧ ଶକ୍ତିପୀଠର ଚତୁଃପାର୍ଶ୍ବକୁ ନୂଆ ରୂପ ଦେବାକୁ ଏବେ ଅଣ୍ଟା ଭିଡିଛନ୍ତି ସରକାର। ପୀଠର ବିକାଶ ପାଇଁ ପ୍ରସ୍ତୁତ ଯୋଜନାକୁ ଅନୁମୋଦନ ଦେଇଛନ୍ତି ମୁଖ୍ୟମନ୍ତ୍ରୀ । ଯାତ୍ରୀଙ୍କ ସୁବିଧା ସହ ପ୍ରସାଦ ସେବନ, ବାଖ୍ୟାନ କେନ୍ଦ୍ର, ମଣ୍ଡପ କକ୍ଷର ବ୍ୟବସ୍ଥା ହେବ । ନିକଟରେ ‘5ଟି’ ସଚିବ ତାରତାରେଣୀ ପୀଠ ଗସ୍ତ କରି ସ୍ଥିତି ସମୀକ୍ଷା କରିଥିଲେ ।
ଯୋଜନା ମୁତାବକ, ତାରାତାରେଣୀ ମନ୍ଦିର ଚାରିପାଖକୁ ନୂଆ ରୂପ ଦିଆଯିବ । ସିଂହଦ୍ବାର ପ୍ରବେଶ ପଥର ପୁନଃଉଦ୍ଧାର ସହ ଭକ୍ତଙ୍କ ପାଇଁ ସମସ୍ତ ସୁବିଧା କରାଯିବ । ପିଇବା ପାଣିର ବ୍ୟବସ୍ଥା, ପାହାଡ ଉପରେ ପ୍ରସାଦ ସେବନ, ବାଖ୍ୟାନ କେନ୍ଦ୍ର, ମଣ୍ଡପ କକ୍ଷ ମଧ୍ୟ ରହିବ । ଏପରିକି ମନ୍ଦିର ପଛ ପାର୍ଶ୍ବରେ ଧ୍ୟାହ୍ନ କେନ୍ଦ୍ର ନିର୍ମାଣ କରାଯିବା ସହ ପାହାଡ ଉପରେ ଏକ ଭ୍ୟୁ-ପଏଣ୍ଟ କରାଯିବ । ଯେଉଁଠି ଶ୍ରଦ୍ଧାଳୁ ପର୍ଯ୍ୟଟକମାନେ ମନ୍ଦିରର ଚତୁଃପାର୍ଶ୍ବକୁ ଦେଖି ପାରିବେ ।