ଗାଁ ଭିତରେ ଗଞ୍ଜେଇ ଗୋଦାମ, ଅବକାରୀ ଟିମର ଚଢାଉ ବେଳେ ପର୍ଦ୍ଦାଫାସ

ଗାଁ ଭିତରେ ଗଞ୍ଜେଇ ଗୋଦାମ । ୧୧ଲକ୍ଷ ଟଙ୍କାର ଗଞ୍ଜେଇ ଜବତ । ଅଭିଯୁକ୍ତକୁ ଗିରଫ ପରେ କୋର୍ଟ ଚାଲାଣ। ଅଧିକ ପଢନ୍ତୁ...

ଭୁବନେଶ୍ବର: ଗାଁ ଭିତରେ ଚାଲିଥିଲା ଗଞ୍ଜେଇ ଗୋଦାମ । 1 କୁଇଣ୍ଟାଲ 5 କେଜି ଗଞ୍ଜେଇ ସହ ନଗଦ ୪୨ ହଜାର ଟଙ୍କା ଜବତ କରାଯାଇଛି । ଗଞ୍ଜେଇର ଅନୁମାନିକ ମୂଲ୍ୟ 11 ଲକ୍ଷ ଟଙ୍କା ହେବ ବୋଲି ଆକଳନ କରିଛି ଅବକାରୀ ବିଭାଗ । ଏନେଇ ଅଧିକ ତଦନ୍ତ ଜାରି ରହିଛି ।

ସୂଚନା ଅନୁସାରେ, ବାଲିଅନ୍ତା ଥାନା ପଦ୍ମପୁରରେ ଗଞ୍ଜେଇ ଗୋଦାମ ଚାଲିଥିଲା । କୈଣସି ସୂତ୍ରରୁ ଖବର ପାଇ ଅବକାରୀ ଗୁଇନ୍ଦା କଟକ ଚଢାଉ କରିଥିଲା । ଚଢାଉ ବେଳେ ୧୧ଲକ୍ଷ ଟଙ୍କାର ଏକ କ୍ବିଣ୍ଟାଲ ୫ କେଜି ଗଞ୍ଜେଇ ଜବତ କରିଥିଲା । ଏହି ଘଟଣାରେ ଜଣେ ଅଭିଯୁକ୍ତଙ୍କୁ ଗିରଫ କରାଯାଇ କୋର୍ଟ ଚାଲାଣ କରାଯାଇଛି । ଥାନା ଅଧିକାରୀ ଜଗଦିଶ ସାମଲଙ୍କ ନେତୃତ୍ବରେ ଏହି ଟିମ ଚଢାଉ କରିଥିଲା । ସର୍ଭେ କରିବା ଆଳରେ ଗୋଦାମ ଉପରେ ଛାପା ମାରି ଥିଲା ଅବକାରୀ ଗୁଇନ୍ଦା କଟକ ଟିମ । ଅଭିଯୁକ୍ତ ଠାରୁ ଗଞ୍ଜେଇ ଓ ନଗଦ ୪୨ ହଜାର ଟଙ୍କା ଜବତ କରାଯାଇଛି ।

ଭୁବନେଶ୍ବରରୁ ତାପସ ପରିଡା, ଇଟିଭି ଭାରତ