ଭୁବନେଶ୍ବର: କୁମାର ପୂର୍ଣ୍ଣିମା ଠାରୁ ଆରମ୍ଭ ହେବ ଗଜଲକ୍ଷ୍ମୀ ପୂଜା । ମା ଦୁର୍ଗାଙ୍କ ଶାରଦୀୟ ଉତ୍ସବ ଶେଷ ହେବା ପରେ ଧନର ଦେବୀ ମା ଲକ୍ଷ୍ମୀଙ୍କ ଆବାହାନର ସମୟ ଆସିଛି । ଏଥିପାଇଁ ରାଜଧାନୀରେ ପ୍ରସ୍ତୁତି ଆରମ୍ଭ ହୋଇ ସାରିଥିବାବେଳେ ନୟାପଲ୍ଲୀ ଯୁବ ପରିଷଦ ଏଥିରେ ଅଗ୍ରଣୀ ଥିବା ଦେଖିବାକୁ ମିଳିଛି। ଚଳିତବର୍ଷ ପରିଷଦର 14 ତମ ପୂଜା ଆୟୋଜନ ହେବାକୁ ଯାଉଥିବାବେଳେ ପ୍ରଥମ ମଣ୍ଡପ ଭାବେ ନୟାପଲ୍ଲୀରେ ମା ଲକ୍ଷ୍ମୀଙ୍କ ଚାନ୍ଦି ମୁକୁଟ ଓ ଅଳଙ୍କାର ଲାଗି ହେବାକୁ ଯାଉଛି।
ଭିଡିଓ ସୌଜନ୍ୟ:ପ୍ରତିନିଧି, ଭୁବନେଶ୍ବର
ଏନେଇ ଆୟୋଜିତ ସାମ୍ବାଦିକ ସମ୍ମିଳନୀରେ ପରିଷଦର ସଭାପତି ନିଖିଳ କୁମାର ବଳବନ୍ତରାୟ କହିଛନ୍ତି କି, ଚଳିତଥର ପୂଜାକୁ ଆକର୍ଷଣୀୟ କରିବା ପାଇଁ ରାଜସ୍ଥାନ ମନ୍ଦିର ସଦୃଶ୍ୟ ତୋରଣ ନିର୍ମାଣ କରାଯାଉଥିବାବେଳେ 2କେଜି ଓଜନର ମାଙ୍କ ପାଇଁ ମୁକୁଟ ଓ ହାର ପ୍ରସ୍ତୁତ କରାଯାଉଛି।